E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Pse "dosja Shullazi" fajëson qeverinë

25 Prill 2016, 16:40, Opinione CNA

Ditë pas dite, që pas ndalim-arrestit okult të Emiliano Shullazit, në lajmet e kronikës dallohen disa tituj që të lënë një shije të keqe.

Njëherë flitet për një biznesmen që nxiton të mohojë se i është vënë gjobë. Një herë tjetër për një profesor që thotë se nuk i ka njohur kërcënuesit. Pastaj për një dëshmitar që tërhiqet nga ajo që ka thënë.

Veç e veç këto lajme humbasin në cepat e faqeve të kronikës. Por, të bërë sëbashku ato marrin një kuptim më të madh. Që e shndërrojnë këtë ngjarje nga një aferë policore në një çështje politike.

Ditët e fundit « Dosja Shullazi » është shndërruar në thelbin e debatit në vend. Opozita sulmon lidhjet e tij me ministrin e Brendëshëm dhe me kryeministrin. Jep raste se si ai i ka shpëtuar drejtësië, dhe paralajmëron lirimin e tij të shpejtë për shkak të mbrojtjes që ka në sferat më të larta të shtetit. Qeveritarët mbrohen me siklet (po të qe për ta do të bënin ç?ish e mundur për ta shmangur këtë temë) dhe në fund thonë se ata s?kishin ç?bënin më shumë sesa të vinin prangat mbi duart e të fortit.

Por, në këtë debat ku gjithësejcili mundohet ta hedhë topin e fajit tek kundërshtari, ato lajmet episodike të kronikës luajnë rolin e rëndësishëm të gurëve në peshoren e së drejtës.

Ato na tregojnë më shumë sesa debati në parlament dhe akuzat e ndërsjellëta.

Të mara të gjitha së bashku ato dëshmojnë se njerzit që rrefuzojnë të dëshmojnë përpara hetuesve, policisë dhe prokurorëve, kanë frikë.

Ata nuk kanë as besimin më minimal tek shteti i tyre.

Ata nuk kanë as dyshimin më të vogël se një i fortë me mbrojtje nga lart mund të dënohet.

Eshtë pikërisht kjo psikologji frike, treguesi i parë dhe kryesor që dëshmon se nga cila anë peshon e drejta.

Eshtë pikërisht ajo që tregon se kjo qeveri edhe nëse nuk është e lidhur me banditët, nuk i ka bindur qytetarët e saj, se ka vullnet për ti luftuar ata.

Prandaj njerzit kanë frikë. Një frikë legjitime që dëshmon shumë më tepër sesa broçkullat që dëgjojmë të enjten në parlament. (Lapsi.al)