Oguri i zi i sondazhit amerikan/ Nga Armir Shkurti

25 Prill 2016, 11:52, Opinione CNA

Kur na e thonë të huajt për ne sikur na e thotë Perëndia! Se këtë punën e sondazhit të Institutit Demokratik Amerikan për mendimin e shqiptarëve ndaj pushtetit dhe opozitës ka nja një vit që unë, Altin Goxhaj e ca të tjerë e themi botërisht dhe shumë e shumë të tjerë e thonë tavolinave, zyrave e shtëpive me zë më të ulët.

59% e shqiptarëve janë të pakënaqur me punën e qeverisë, 69.3% të pakënaqur me punën e opozitës. Le të analizojmë përmes shifrave:

Nëse janë afërsisht vetëm 4 në 10 shqiptarë të kënaqur me qeverinë, do të thotë se kjo qeveri ka rënë. S?janë bërë 3 vjet kur erdhi me tërsëllimën e ?1 milion shuplakave? Rama në pushtet, por që në muajt e parë s?munguan gafat, të cilat u përshkallëzuan dhunshëm. U mbyllën me urdhër shumica e universiteteve private e u lanë rrugëve studentët, nisi aksioni i energjisë prej të cilit u mbushën burgjet e jo pak shqiptarë vranë edhe veten. U riformatuan mediat duke fshirë nga ekrani çdo emision a rubrikë kritike apo ku shfaqen hallet e njerëzve. Shpërthyen skandale të niveleve të larta ku deputetë u akuzuan për porosi vrasjesh, për përfshirje në trafiqe e krime të rënda. Atë që nisi me tritol në pallate me dhe pa leje, rilindja e vazhdoi duke shembur shtëpi pa pyetur fare për dokumente. Ekonomia në vend të ngrihej, siç u premtua, vijonte rënien. Kështu mbërriti rilindja në zgjedhjet vendore..

..dhe zgjedhjet vendore i fitoi rilindja! Pikërisht në atë periudhë ne artikuluam këtë koncept që nxjerr sot sondazhi i amerikanëve: Qeveria ka dështuar, por votuesi nuk ka besim tek opozita. U shprehëm për një analizë brenda opozitës për të kuptuar se ç?ndodh. U premtua analiza. Por nuk u bë kurrë.

Në shtatorin e kaluar Rama premtoi një operacion më të ashpër se ai i ?dritave?. Nisën arrestime shitësisht e blerësish për kuponin e pa marrë në dyqan. Tashmë operacioni i rradhës është : ?formalizimi?. Objektivi? Bizneset! E gjitha kjo ndodh në kushtet kur edhe institucionet ndërkombëtare flasin për varfëri e varfërim, për rënie të ekonomisë. Këtë tregon edhe sondazhi amerikan. Kur rreth 60 % e shqiptarëve janë të pakënaqur me qeverinë, do të thotë se ajo tashmë ka rënë. Po pse vazhdon të qeverisë?

Sepse rreth 70% e shqiptarëve ? thonë amerikanët ? janë të pakënaqur me punën e opozitës! Kjo shifër, që është më e lartë se pakënaqësia ndaj pushtetit, në rradhë të parë na tregon se rënia e rilindjes paska ardhur për shkaqe krejtësisht të brendëshme të saj. Do të thotë se Edi Rama në dy vjet e gjysmë ia ka dalë që 1 milion shuplakat t?i kthejë kundër vetes, me forcat e veta. Pakënaqësia ndaj opozitës ? të paktën unë kështu e lexoj ? është se në këtë kalbësim të pushtetit nuk po bën asgjë për të shpëtuar vendin. Qeverisja është një i vdekur të cilin nuk po merr njeri lopatën ta kallë. Nuk do të qe dashur shumë mund, në gjykimin tim, për ta rrëzuar qeverisjen arbitrare dhe të dështuar të Edi Ramës. Ama shtyrja dhe zgjatja e lëngatës ? sipas sondazhit ? e ka kaluar pakënaqësinë tek krahu tjetër.

Shifrat 59% të pakënaqur me rilindjen dhe 69% me PD-në unë personalisht i përkthej kështu: ?Mirë ata që e qelbën dhe e mbyllën ciklin e tyre, po ju, pse po vazhdoni të na i lini mbi krye??

Me këto shifra, një vit para zgjedhjeve, skenari më linear është: Pjesmarrje shumë e ulët në votim dhe , duke mos patur tjetër ofertë, rizgjedhim me pahir këta që janë.

Ka edhe një skenar shumë më të zi sesa ky. Nëse këto shifra përkojnë edhe me nivelin e besimit të shqiptarëve ndaj klasës politike në vend, i bie që një shumicë dërrmuese e shqiptarëve të kenë humbur (apo shumë shpejt ta humbasin ) besimin ndaj gjithë klasës politike. Do të thotë që kjo shumicë shqiptarësh, e ndjerë e papërfaqësuar, të refuzojë të gjithë klasën politike, në total që në terma të tjerë përkthehet në destabilizim të vendit dhe kaos. Shto këtu edhe problemet ekonomike, plagët sociale të thelluara, urrejtjen e grumbulluar ndër vite nga arbitrariteti i pushtetit , padrejtësitë shoqërore dhe sidomos mjerimi që po përhapet si epidemi dhe vendosi ç?emër të duash pastaj asaj që mund të ndodhë.