web counter
LEXO PA REKLAMA!

SHKARKO APP

App Store
Google Play

Fakti/ Rinasi, nga gjermanët në duar të kinezëve

25 Prill 2016, 15:40, Aktualitet CNA

Aeroporti i Rinasit do ti jepet me koncesion grupit të shërbimeve financiare ?China Everbright?. Ka qenë kompania kineze ajo që ka njoftuar sot zyrtarisht se ka arritur marrëveshjen për blerjen e të drejtave koncesionare në Aeroportin Ndërkombëtar të Tiranës.

Grupi i shërbimeve financiare China Everbright me bazë në Hong Kong njoftoi zyrtarisht sot se ka nënshkruar marrëveshjen për blerjen e të drejtave koncesionare në Aeroportin Ndërkombëtar të Tiranës.

Ndërmarrja që do të marrë përsipër të drejtat e koncesionit është emërtuar, ?Keen Dynamics Limited? dhe sipas marrëveshjes do t?i ushtrojë këto të drejta deri në vitin 2027.

China Everbright Limited është një kompani e shërbimeve financiare në menaxhimin e aseteve, investimeve direkte, ndërmjetësimit dhe bankingut investues në rajonin e Kinës, përfshirë dhe Hong Kongun. Kompania e saj mëmë është China Everbright Group, me pronësi shtetërore.

Aktualisht pronarët e Tirana international Airport janë: DEG-Deutsche investitions-und Entëicklungsgesellschaft mbH-31.7%; Albanian-American Enterprise Fund ?AAEF?-21.3%; AviAlliance GmbH-47%.

Konsorciumi Tirana international Airport (dikur Tirana Airport Partners), në vitin 2004 nënshkroi një marrëveshje koncesionare 20 vjeçare me qeverinë shqiptare për projektimin, financimin, ndërtimin, kryerjen, funksionimin, menaxhimin dhe zhvillimin e Aeroportit Ndërkombetar ?Nënë Tereza?, Tiranë.

Pak javë më parë, qeveria shqiptare arriti marrëveshje me Tirana international Airport për heqjen e eksluzivitetit të kësaj të fundit.

Sipas marrëveshjes së përbashkët, kompanisë Tirana international Airport i është dhënë menjëherë një zgjatje e Afatit të Koncesionit prej dy vitesh duke mundësuar kështu hapjen e Aeroportit të Kukësit për fluturimet ndërkombëtare. Kjo do të thotë se Afati i Koncensionit do të shtyhet deri më datë 2027.





Lajmet e fundit nga