Video/ “Ja si lëvizte Shullazi në prani të Tahirit në zgjedhjet e 2013”

18 Prill 2016, 22:09, Aktualitet CNA

Ish-Nëndrejtori i Policisë së Shtetit, Erzen Breçani është ka rrëfyer edhe lidhjet politike të Emiljano Shullazit. Një nga këto momente sipas Breçanit ka qenë edhe ditën e zgjedhjeve të 23 qershorit 2013, ku një telefonatë në sallën operative, bënte me dije se Emiljano Shullazi dhe shokët e tij, kishin dalë në kundërshtim me ligjin për zgjedhjet, me flamuj të Partisë Socialiste dhe LSI-së. Po sipas Breçanit, ka pasur ndërhyrje nga të majtët që të lirojnë Shullazin dhe ai vetëm për shkak të këtyre ndërhyrjeve e ka mbajtur 10 orë të ndaluar. Ndërkohë Breçani ka bërë të ditur se Shullazi është parë shpesh në praninën e atij që sot është Ministër i Brendshëm.

?Mbaj mend që salla operative njoftohet nga një person që pjestarë të bandës së Emiliano Shullazin po lëvizin me flamuj të Partisë Socialiste dhe LSI nëpër rrugët e Tiranës. Organizova forcat e policisë, sepse nuk lejohet ditën e zgjedhjeve reklamimi i simboleve të partisë. Cfarë ndodhi atë ditë? U shoqëruan 12 persona në 3 makina. Me ta ka qenë edhe Gilmando Dani. Janë shoqëruar dhe janë mbajtur për 10 orë në Drejtorinë e Policisë së Tiranës, në atë kohë isha zv.drejtor i policisë në Tiranë. Dhe filluan, dihet telefonatat: Pse i mban ato? Pse i mban atë? Kam pas dhe një telefonatë atë ditë edhe nga Shullazi, që ishte në procedim penal nga prokuroria. Dhe duhet përmendur që është shumë e rëndë që një person që është në procedim penal të kryejë një vepër penale. Dhe telefonata që më është bërë është e regjistruar. Më tha: Pse i ke shoqëruar ata? Ata nuk kanë armë. Nuk kanë asgjë. I thashë: Kisha ndërmend t?i procedoj dhe t?i mbaj një orë, tani do t?I mbaj 10 orë se ma lejon ligji, dhe 10 orë i kam mbajt. Po atë ditë në darkë kam lëviz duke kontrolluar shërbimet, se ishte një gjendje jo e mirë. Dhe është e vërtetë. E kam parë para njësisë bashkiake numër 6, Saimir Tahirin dhe Emiljano Shullazin. Sa u afrova unë, u larguan. Ishin para njësisë bashkiake numër 6, ishin bashkë. Saimir Tahiri ishte me kryetarin e njësisë nr.6, ky ishte aty afër?, deklaroi Erzen Breçani.

VIDEO