E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Parlamenti pluralist/ Udhëtimi 25-vjeçar i Kuvendit pas rënies së komunizmit

18 Prill 2016, 20:49, Aktualitet CNA

Kanë kaluar 25 vjet nga 15 prilli i vitit 1991, kur Shqipëria e dalë nga dekada të tëra diktaturë moniste mblodhi Parlamentin e saj pluralist demokrat. Por, sot parlamenti përballet me një sfidë që asnjë anëtar i saj në fillimet e demokracisë nuk e kishte menduar se do të kalonte nga dekomunistizimi në dekriminalizim. Megjithatë në këtë çerek shekulli Parlamenti vijon të jetë një tribunë e fjalës së lirë, edhe pse shtëpia e madhe ligjvënese jo gjithmonë ka dhënë për zgjedhësit e saj shembuj që duhen përkrahur. Ora News ju sjell një rrugëtim 25 vjeçar të parlamentizmit pluralist në vend pas rrëzimit të regjimit komunist.

Kanë kaluar 25 vjet nga fillimi i pluralizmit parlamentar me Kuvendin e Shqipërisë. Lëvizja demokratike e dhjetorit të vitit 1990 çeli një faqe të re në historinë e vendit dhe në 31 mars të 1991 vetem 4 muaj me pas u mbajtën zgjedhjet paralemtnare pluraliste, sipas sistemit maxhoritar të trashëguar nga e kaluara.

Partia e Punës që drejtoi vendin për afro gjysmë shekulli arriti shumicën në këto zgjedhje 161 vende, Partia Demokratike e para parti opozitare në vend 75 vende, Omonia 5 vende dhe Komiteti Kombëtar i Veteranëve 1 vend.

Për shkak të infrastrukturës zgjedhore, Partia Demokratike, nuk pati mundësi të zhvillojë fushatë intensive për shkak se makineria e shtetit komunist nuk ja dha këtë mundësi. Ajo nuk kishte infrastrukturën e duhur mbështetëse me makinë, seli dhe financa. Përballë, kishte Partinë e Punës, e cila kishte trashëguar gjithë mbeshtetjen shteterore të procesit zgjedhor që u mbajt më 31 mars.

Me 15 prill 1991 u mblodh parlamenti i parë pluralist, mbas një periudhe 67 vjeçare. Në mbledhjen e parë të tij nuk morrën pjesë deputetët e Partisë Demokratike. Kastriot Islami ishte kryetari i parë i një Kuvendi Pluralist

Më 30 prill 1991 President i Pepublikës u zgjodh Ramiz Alia dhe një muaj më vonë u caktua kryeministri Fatos Nano që i përkiste Partisë së Punës, por qeveria e tij shumë shpejt si pasojë e një krize politike të shkaktuar nga opozita dha dorëheqjen. Në fillim të qershorit partitë parlamentare arritën një marrëveshje për një zgjidhje të re politike, si rezultat i së cilës më 5 qershor u krijua një qeveri koalicioni, e quajtur Qeveria e Stabilitetit, e kryesuar nga Ylli Bufi, që i përkiste Partisë Socialiste, e sapo dalë nga kongresi i 10-të dhe i fundit i Partisë së Punës

Pandeli Majko, nuk i kishte flokët e bardha si tani kur hyri në Parlamenti për herë të parë, por i kujtohej se shqetësim për të dhe deputetët, nuk ishin vetëm fjalimet që duhet të mbanin.

Jozefina Topalli është gruaja e parë që drejtoi Kuvendit e Shqipërisë, por entuziazmi i saj për vitet pluraliste, shuhet kur kujton vitet e fundit, që e detyruan Kuvendit të miratojë një ligj për të larguar prej tij kriminelët. Kjo nuk duhej te ishte rruga e Parlamentit dhe as që mendohej kur demokratët rrezuan komunzimin.

Një zemërim që nuk e fsheh as deputeti Dashamir Shehi.

Në krye të Parlamentit sot në 25 vjetorin e tij, është Ili Meta, deputet që nga viti 1992 në Kuvendin e Shqipërisë, ku demokratët pas zgjedhjeve te parakohshme fituan shumicën dhe nxorrën në opozitë Partinë Socialiste ku ai bënte pjesë. Ilir Meta është i pari deputet të cilit iu hoq imuniteti, si organizatorë i protestës së paligjshme të protestës së Polçianit.

Por në drejtimin e tij, Parlamenti sot ndoshta ka peshën më të madhe ne historinë e tij të re pluraliste për të miratuar reformën në drejtësi

Çerk shekulli parlament pluralist.. një rrugetim i vështirë, por gjithësesi një trimbunë e çmuar e fjalës së lirë./Ora News