web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi për gjobën nga Shullazi/ Detajet e shpërthimit në pronën e Arjan Zikos

18 Prill 2016, 18:52, Aktualitet CNA

Po çfarë ndodhi më 13 mars, në Rrugën e Kavajës? ABC News ka bërë një përmbledhje të ngjarjes.

Pak pasi kishte kaluar mesnata, të dielën e datës 13 mars në Rrugën e Kavajës, banorët pranë Parkut të Autobusëve u tronditën nga një shpërthim i fuqishëm tritoli.

Një ditë më pas u raportua se zhurma e shpërthimit ishte dëgjuar disa kilometra larg.

Policia e Tiranës njoftoi se 200 gram tritol ishin vendosur në derën e garazhit të shtetasit Arjan Ziko, ndërtues i njohur në Tiranë.

Ngjarja mbeti e pazbardhur dhe thuajse u harrua në morinë e shpërthimeve të tritolit që ndodhin vazhdimisht në kryeqytet.

Policia u mjaftua me njoftimin e një ditë më pas, ndërsa mediat u mjaftuan me raportimin se prona ku ishte vendosur tritoli ishte e biznesmenit Arjan Zika.

Ngjarja rikthehet në vëmendje një muaj më pas, si një moment kyç në dosjen kundër Emiliano Shullazit, një prej emrave më të përfolur të botës së krimit.

Biznesmeni Arjan Zika duket se ka pasur vetëm një të dyshuar për tritolin e vendosur ndaj tij.

Siç rezultoi më pas, Zika rrëfeu në prokurori të gjitha dyshimet që kishte ndaj Shullazit dhe më pas u largua nga Shqipëria.

Në dosjen që Prokuroria e Krimeve të Renda përgatiti kundër Shullazit, dëshmia e Arjan Zikos është një nga provat më të rëndësishme.

Të dyshuarit ishin në përgjim nga Shërbimi Informativ Shtetëror me akuzen e gjobëvënies.

Emiliano Shullazi, Gilmando Dani dhe Blerim Shullazi akuzohen për veprën penale të shkatërrimit të pronës private me eksploziv, kanosje me qëllim përfitimi të pasurisë në dëm të shtetasit Arjan Ziko.

Policia e Tiranës saktëson se arrestimi i tre shtetasve është bërë rreth orës 1 e 30 pas mesnatës së datës 16 prill, pas urdhrit të Prokurorisë së Krimeve të Rënda.

Deri në atë moment, mendohet se policia ishte shmangur plotësisht nga hetimet dhe prokuroria i kishte mbështetur hetimet në punën e Shërbimit Informativ Shtetëror.





Lajmet e fundit nga