E fundit!

10:44 Aktualitet Besim Ndregjoni

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Qelia nuk duhet të mbetet bosh/ Nga Mero Baze

18 Prill 2016, 17:40, Aktualitet CNA

Tani është ndaluar nga policia për kërcënimet në adresë të Rektorit të Universitetit dhe kandidatit për rektor, por pasi ka shkuar në qeli i shoqëruar nga policia, prokuroria ka nxjerr urdhër ndalimi, për shkak të disa dosjeve që ka nën hetim për të.

Në këtë moment u fut në lojë politika dhe Berisha me të vetët, po përpiqen të mbrojnë idenë se prokuroria ?ka vepruar në ilegalitet? kundër Shullazit dhe po ?priste ditën? ta arrestonte.

Kjo situatë është sa qesharake aq dhe e rrezikshme.

Është qesharake, pasi nuk e kuptoj përse prokuroria, që i paska pasur dosjet gati për Shullazin, pas së paku dy denoncimeve të policisë tek ajo, nuk e ka arrestuar më parë Shullazin, ose më vonë, por pikërisht ditën që policia e shoqëroi atë për shkak të kërcënimeve ndaj Rektorit.? Prokuroria nuk ka probleme të sigurisë fizike gjatë arrestimit, se atë e bën policia. Ajo thjeshtë duhet të ketë dosjen plot dhe ta arrestoj. Është aq qesharak rrethi i Berishës në këtë çështje, sa duket sikur Prokuroria dhe Berisha, po bënin gati dosjen e Shullazit, dhe meqë s?po u jepj rasti ? se skanë polici?, prodhuan dhe ngjarjen në Universitet, që të kapnin Shullazin?

Por përtej anës komike, kjo situatë është tejet e rrezikshme dhe dikush duhet ti dal zot. Nëse është kështu siç rrjedh informacionet prokuroria, pra që ajo ka dy dosje kundër Shullazit dhe disa të tjera në rrugë e sipër, ajo duhet të mbaj përgjegjësi për mbajtjen e tij në burg deri në fund.

Deri më sot prokuria është ajo që e ka nxjerr rregullisht nga burgu Shullazin, herë duke bërë dosje të përcipta, herë duke marrë prova të pasakta, e herë duke neglizhuar faktet që e dëmtojnë atë. Në rastin konkret, nuk dimë se çfarë ka në dosje, por fakti që është kujtuar në mesnatë, disa orë pasi polica e ka shoqëruar Shullazin, dhe e ka ndaluar atë për dosje që i paskësh bërë gati ?në ilegalitet?, lë shumë dyshime tek fakti që prokuria është në një skenar politik, për tu përfshirë si palë lehtësuse për dhe për të dështuar arrestimin e vërtet të tij.

Në të gjtiha rastet kur është liruar Shullazi, si në kohën që ishte në pushtet Berisha, si në kohën që e përdorte Basha për të prishur mitingjet e kundërshtarit, ashtu dhe kur erdhën socialistët në pushtet, gjithmonë mekanizmi i lirimit ka qenë në prokurori, duke bërë herë si radikal e herë si të moderuar. Përfshirja e Prokurorisë në këtë histori sërish, duke injoruar dosjen e kërcënimeve për zgjedhjet në Universitet, por duke e përdorur atë vetëm si shkas, ngre dyshime të forta për motivimin e tyre në këtë histori. Sidoqoftë e vërteta do shpaloset në sallën e Gjykatës së Tiranës ditën e martë dhe ne do të kemi mundësi të shikojmë se çfarë ka bërë ?në ilegalitet? prokuroria dhe çfarë meritash ti japim në këtë histori.

Deri tani e vetmja punë që po bën, është të shpërndaj lart e posht lajme, se paska punuar ?ndarazi? me policinë , duke mos pasur besim tek ajo. Të shpresojmë që ka punuar më e qetë dhe në mënyrë më profesionale, por nëse Shullazi del i lirë nesër nga dosjet e Adriatik Llallës, është mirë të mendojmë, që në vend të tij në qeli, duhet shkoj dikush nga godina e prokurorisë. Ndoshta dhe vet Llalla. Qelia nuk duhet të lihet bosh.