E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Ndërhyrja në proçes/ Rama thërret në zyrë kandidatët për Rektor në Universitetin Mjeksor

19 Prill 2016, 19:42, Aktualitet CNA

Kreu i Departamentit të Arsimit në PD, Luçiano Boçi ka denoncuar përfshirjen dhe ndëryrjen e Kryeministrit Edi Rama në proçesin e zgjedhjeve në Universitete. Përmes një deklarate për mediat, Boçi shprehet se Rama ka thirrur në zyrën e tij kandidatët për Rektor në Universitetin Mjekësor. Deputeti demokrat shton se sot Rama u mburr paturpësisht për modelin dhe standartin politiko-kriminal që ka imponuar në këto zgjedhje.

Denoncimi i plotë i kreut të departamentit të Arsimit, Luçiano Boçi

Kur Rama pritej të thoshte të paktën “dy fjalë” me ngjyrime ndoshta ndjese, për katandisjen e garës për Rektor të UT, në një garë terrori e rrëmbimi, nga ata që ka kohë që i ka marrë nën sqetull, çuditërisht u mburr. U mburr paturpësisht për modelin dhe standartin politiko-kriminal që ka imponuar në këto zgjedhje. U mburr që vetë nuk kishte futur duart në proçes. Ishte “duarjashtë”!!!!!

Por harroi një detaj:
Paradite thirri në zyrën e tij kandidatët për Rektor të Universitetit Mjekësor. Dihet tensioni i kësaj gare i shoqëruar me përjashtime të padrejta e me shkresa ministrore.
I thirri si “çun tirone” “me i dhon ka i kafe” para gare?!!!
Apo “i thirri” si Kryeministër me i tregu “arat”?!!!
Apo ndoshta si Kryetar PS-së, për ti “vënë njërit njollë” e “për t’ja heq tjetrit?”!!!
Këtë të na thojë Rama!!
Por këtë fakt kryeministri duarbrenda në proçesin zgjedhor ka gjithë ditën që e fsheh!!!
Dhe sa të tillë ka fshehur?!!!

Kandidatët në Universitetin e Mjekësisë
1. Arben Gjata, rektori i emëruar, i cili mban aktualisht këtë post
2. Mira Rakacolli, Dekania e Fakultetit të Mjekësisë
3. Petrit Bara, Dekani i Fakultetit të Shkencave Mjekësore Teknike