E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Kinezët ofrojnë 720 milion euro për të hequr qafe Berluskonin

19 Prill 2016, 18:49, Aktualitet CNA

Është radha e Mister B, atij të vërteti. Silvio Berlusconi është përpara një zgjedhje, duhet të marrë vendimin e tij. Të shesë Milanin e tij, klubin me të cilin është ngjitur sa herë në majë të Everestit të futbollit, në këto 30 vitet e tij si president, apo ta mbajë atë përtej të gjitha risqeve dhe problematikave që do ta ndjekin. Ka qenë një ditë e gjatë dhe shumë intensive ajo e djeshmja, teksa edhe dita e sotme lajmërohet shumë e zënë, por jemi thuajse në fund. Tashmë është fakt, në një studio ligjore në Romë po zhvillohen tratativat për shitjen e AC Milan, klubit më të titulluar në Europë, bashkë me Real Madrid, Barcellona, Boca Junior dhe Al Ahly.

Në njërën anë gjendet Fininvest me të gjithë përfaqësuesit ligjorë të Silvio Berlusconit, ndërsa në anën tjetër qëndron këshilltari italo-amerikan, Sal Galatioto me GSP-në e tij, (Galatioto Sports Group), që përfaqëson zinxhirin kinez, të interesuar për blerjen e klubit. Një kompani që i përket njeriut të gjashtë më të fuqishëm në Kinë, Robin Li, i cili ka ndërtuar një perandori me e-commerce offline në internet, motorrët e kërkimit, energjinë e rinovueshme, si dhe ushqimi taxi. Pasuria e tij përllogaritet aktualisht sipas Forbes në shifrën prej 14.1 miliardë dollar.

Që ?dragoi? dëshironte të blinte ?djallin?, kjo ishte mëse e ditur, por lajmi është se dje u zhvillua telekonferenca më thelbësore mbi të gjithë operacionin financiar që i përket Milanit. Kinezët tashmë kanë mbyllur tashmë fazën e analizës financiare në lidhje me llogaritë financiare të kuqezinjve. Ata kanë përgatitur gjithashtu edhe një plan investimesh që parashikon një arkëtim të klubit në shumën 300 milionë euroë për një periudhë dy-vjeçare, nga kontratat me sponsorët, turnetë verorë dhe partneritete të tjera tregtare.

Tashmë kinezët janë gati të bëjnë ofertën e tyre zyrtare. Një ofertë që është rritur lehtësisht, pikërisht për të bindur Silvio Berlusconi, ende disi në mëdyshje, shkruan Opinion. Nga oferta fillestare rreth 650/700 milionë euro, oferta orientale është ngritur deri në 720 milionë euro. Termat financiarë mbeten të njëjtët si në fillimin e kësaj historie. Nëse bihet dakord, atëherë 70% e aksioneve transferohen menjëherë, deri në përfundim të këtij sezoni, në emër të blerësit kinez, ndërsa 30% i aksioneve transferohet brenda vitit të ardhshëm. Lajmi tjetër është se sipas burimeve të ?Corriere Dello Sport?, janë shumë pranë një akordi parimor mbi numrat dhe shifrat, si dhe në lidhje me strukturën e këtij operacioni financiar.

Mungon ai, mungon vetëm Silvio Berlusconi. Por, e vënë në këtë kontekst, i bie që në mungesë të tij, as tratativat nuk do të mund të kishin nisur. Në të vërtetë, Berlusconi që na tregohet, është një president i informuar në mënyrë perfekte mbi faktet. Përfaqësuesit ligjorë të të dy palëve janë vetëm një hap larg akordit paraprak, ndërsa Berlusconi po e mendon ende. Ai dëshiron të dijë me saktësi kush dhe sa janë investitorët kinezë që duan të blejnë Milanin, dhe mbi të gjitha, lajmi i fundit i ditës është, se ka kërkuar një panoramë të detajuar të fuqisë financiare të kinezëve. Mbase, vetëm më pas do të thotë ??PO?. Vetëm kështu ?djalli? do t?ja shesë shpirtin ?dragoit?.