web counter
LEXO PA REKLAMA!

SHKARKO APP

App Store
Google Play

Bode: Flisni për arritje, por ka 3 vjet që nuk hapen negociatat për integrimin në BE

14 Prill 2016, 13:13, Aktualitet CNA

Ish-ministri i Financave, Ridvan Bode, tha sot në Kuvend se ka tre vjet që nuk hapen negociatat për anëtarësim në Bashkim Europian, ndërkohë që qeveria flet për arritje. Sipas tij,  negociatat duhet të ishin hapur me kohë.

Ridvan Bode theksoi se qeveria po fsheh shifrat reale dhe situatën reale ekonomike të vendit , e cila në fakt po del në dritë nga raportet e ndërkombëtarëve.

?Në raportin e Doing Bussines, Shqipëria ka zbritur me 35 vende dhe qeveria e propagandon si arritje të mëdha. Për taksat, Shqipëria ka humbur 11 vende dhe qeveria sërish deklaron se ka arritje dhe suksese të mëdha. U desh FMN-ja të fliste për konçensionet e kësaj qeverie. U deshën raportet e ndërkombëtarë e që qeveria të pranonte se ishte vendi kryesor i trafikut të drogës në Ballkan. U desh Freedom House që të deklaronte se korrupsioni në Shqipëri është shëndrruar në elementin kryesor të qeverisjes dhe ku 40% e tenderave janë me prokurim të drejtpëdrejtë. Del Dhoma Gjermane e Tregtarisë që flet fare hapur dhe deklarata e saj ka një peshë dhe besueshmëri që kapërcen çdo qeveri.

Pse ndodh një gjë e tillë? Pse nuk u tha pse ka 4 muaj që nuk publikohen statistikat fiskale. Se nuk janë publikuar ende statistikat e dhjetorit. Qeveria del e publikon listat me suksese por i fshihet si djalli nga temjani të vërtetave që vijnë nga statistikat.?, tha Bode gjatë fjalës së tij në parlament

 

 





Lajmet e fundit nga