web counter
LEXO PA REKLAMA!

SHKARKO APP

App Store
Google Play

E fundit!

x

Raporti i DASH në ditën që Rama takon Obamën

14 Prill 2016, 11:43, Aktualitet CNA

Departamenti i Shtetit Amerikan ka publikuar sot raportin për Shqipërinë. Raport që në fakt ka një frymë të fortë kritike, ku theksohet vecanërisht korrupsioni në të gjitha degët e qeverisë.

Gjithashtu, në raporti i DASH tërheq vëmendjen për problemet në sistemin e drejtësisë dhe të shërbimit shëndetësor, dhunë në familje dhe diskriminimi ndaj grave.

Në raport përmendet edhe fakti që Shqipëria vazhdon të jetë burim dhe destinacion i trafikimit të qënieve njerëzore për shfrytëzim seksual dhe për punë të detyruar.

Por, cuditërisht raporti vjen në të njëjtën ditë kur kryeministri Edi Rama do të takojë njeriun më të fuqishëm në botë, presidentin e SHBA Barack Obama.

Në përgjithësi, raporti vjetor i DASH për Shqipërinë është publikuar në fund të shkurtit ose në fillim të marsit, por këtë vit raporti është publikuar në mes të muajit prill.

A është rastësi që raporti i DASH është publikuar pikërisht në ditën kur Rama do takojë Obamën?

Ky është rast unikal në botë që një ditë përpara takimit të një kryeministri me presidentin Obama, publikohet raporti i DASH i cili thekson se korrupsioni ndodhet në të gjitha nivelet e qevrisë.

Raporti i DASH është letra zyrtare e Ministrisë së Jashtme Amerikane për vendin tonë. Një raport i cili është një udhëzues pune ndaj sjelljeve të qeverisë, por në këtë rast për Edi Ramën, raporti publikohet vetëm pak orë para takimit me Presidentin e SHBA.

Ky raport është një paralajmërim për të vërtetën se cfarë do të diskutohet në takimin Obama-Rama./citynews





Lajmet e fundit nga