web counter
LEXO PA REKLAMA!

SHKARKO APP

App Store
Google Play

E fundit!

x

GREGU ME SYZE 60 MIJË EURO, TË TREGOJË BURIMIN E PARAVE, OSE KUSH IA KA BËRË DHURATË

14 Prill 2016, 10:18, Aktualitet CNA

Kreu i Forumit Rinor të Partisë Demokratike, Belind Këlliçi, i ka kërkuar djalit të Edi Ramës të tregojë burimin e parave me të cilat ka blerë syzet që kushtojnë 60 mijë euro ose kush ja ka bërë dhuratë. Nëpërmjet një deklarate për shtyp, Këlliçi shprehet se vlera e këtyre syzeve që mban Gregu është sa dy muaj pagë e presidentit amerikan. Ai shprehet se Gregor Rama është i detyruar të japë përgjigje për syzet e shtrenjta.

Deklarata e plotë e Belind Këlliçit

Media ka zbuluar se studenti më i pasur në vend, dhe ndoshta në rajon, është i papuni Gregor Rama, djali i kryeministrit.

Zbulimi nuk ka qënë shumë i vështirë për t?u bërë, pasi Gregu, studenti i papunë, është pjesë e arrogancës rilindase që ka dëshirë ta tregojë luksin, edhe pse shokët e tij të klasës nuk kanë lekë të pinë një kafe, le më të pagujnë tarifat e rritura të universiteteve nga babai tij, edhe pse 46.2 përqind e familjeve shqiptare jetojnë në varfëri me 5 dollarë në ditë.

Syzet që mban djali i papunë i Edi Ramës, janë Maybach që sipas medias dhe ekspertëve kushtojnë të paktën 60 mijë euro.

Syze tipike të oligarkëve të lindjes, të qeveritarëve të korruptuar, të njohur botërisht për pasurinë e luksin që kanë vënë në kurriz të popullit.

Vlera e këtyre syzeve që mban Gregu është sa dy muaj pagë e presidentit amerikan, Obama.

Përveçse një çështje morale, që tregon harbutërinë e rilindjes, kontrastin e thellë mes Edi Ramës, njerëzve të tij, dhe popullit që nuk ka me se të ushqehet, ky është dhe një problem i mprehtë ligjor.

Djali i kryeministrit, duhet të tregojë se ku i ka marrë paratë për të pasur një palë syze 60 mijë euroshe. Të tregojë burimin e parave. Eshtë i detyruar me ligj.

Nëse i ka dhuratë, duhet të tregojë se nga kush i ka dhuratë;

Nga hakmarrja për drejtësi?

Nga Emiliano Shullazi?

Apo nga kompania kineze që po përgaditet të marrë koncesionin e TVSH, sëbashku me xhaxhain e tij Olsin?

Këto pyetje janë shqetësim publik, dhe Gregor Edi Rama është i detyruar të japë përgjigje.





Lajmet e fundit nga