Shqiponja, kërmilli dhe nënkryetari i partisë

14 Prill 2016, 07:00, Aktualitet CNA

“Një ditë shqiponja u nis për në malin ku kishte folenë, i cili ishte shumë i lartë. Fluturon e fluturon derisa më në fund arrin tek foleja e saj. Kur arrin, ajo shikon kërmillin dhe e pyet e habitur: Po ti si arrite deri këtu ?! Duke u lëpirë- i përgjigjet kermilli”

Një fabul e vjetër latine e sjellë mjeshtërisht nga La Fonten i shkon shumë një prej drejtuesve të PD-së sot. Ai është nënkryetari i PD-së, Edmond Spaho. Në fakt, ai e ka bezdi ta thërrasin nënkryetari i partisë, preferon të quhet nënkryetari i parlamentit, detyrë që në fakt e mori duke u sjellë si kërmill.

Ky lloj politikani, lëpirës i pa matë nuk është se mungon në politikën shqiptare, por zoti Spaho për nga lloji i vetë është ekzemplar.

Në guackën e tij të vogël filloi të rritej, i dalë nga gjiri institucioneve të diktaturës së Ramiz Alisë, Ish-bashkëpunëtor sigurimi apo jo, kjo e vështirë të thuhet, por në fakt është frikacak që jeton në një hije të fshehur ndaj të cilës ka frikë të kthejë kokën pas.

Duke folur shkurt, pasi denoncimet, dokumentat do ti përkasin të tjera shkrimeve, mund të kujtojmë historitë e tij të pushtetit të parë të PD-së. Historitë dhe financimet në fondacione gjatë opozitës të PD. Skuthllëqet, lëpirjet dhe intrigat në prag të pushtetit të PD në vitin 2005 për të rrëmbyer një zonë elektorale. Më pas, historia vazhdon me zhytjen e tij në llum duke braktisur Berishën dhe duke menduar se duke iu lëpirë Bamir Topit mund të bënte karrierë dhe të ishte i suksesshëm në politikë.

Rrezikonte të mos ishte aspak pjesë e listave të PD në vitin 2009. Spostoi lëpirjen dhe ngadalë kërmilli shkoi diku tjetër. Shpëtoi lëkurën e tij, pas një telefonate të Berishës.

Kjo ishte hera e parë që veproi pa shpërblim. Lëpirja e dytë do ta bënte ?udhëheqës? në postin e nënkryetarit të parlamentit. Kur Lulzim Basha i kërkonte propozime për ndryshime në strukturë dhe statut ai coi vetëm një propozim. Nënkryetari i parlamentit të jetë nënkryetar partie. Kërmilli kishte marrë një post mjaft të rëndësishëm, e vlerëson më shumë se detyrën që ka në parti, sepse e ka fyerje ta prezantojnë si nënkryetar të PD. Lëpirjet e gjata, i realizuan një ëndërr të kishte makinë shofer shoqërues, të ishte një nga njerëzit më të rëndësishëm në parti pavarësisht se ishte kërmill.

Tashmë vazhdon detyrën e tij ashtu sic i mbarështojnë kërmijtë në ferma ku ata shtohen në sezone, futen nën tokë apo dalin në hije dhe lagështirë. Tashmë ai ndodhet në majë të një gjetheje të cilën po e ha vetë. Zgjatimi i lëpirjes sido që ta bëjë nuk jep më asnjë shpresë. Mosha si premton dhe lodhja spo i ndalet./citynews