web counter
LEXO PA REKLAMA!

SHKARKO APP

App Store
Google Play

Blushi: Palët kanë rënë dakord të shtyjnë reformën në drejtësi

14 Prill 2016, 10:59, Aktualitet CNA

Deputeti socialist, Ben Blushi është treguar i ashpër me deputetët e parlamentit, duke i akuzuar palët politike duan të shtyjnë reformën në drejtësi për të shpëtuar ata vetë. Gjatë fjalës së tij në parlament, Blushi tha se edhe nëse bëhet kjo reformë, drejtësi nuk do ketë. Sipas tij ky parlament prodhon fjalë por jo vendime.

?Nisur nga ngjarjet e javës së kaluar, ka shumë njerëz që pyesin sot përse është ky njerëz kaq banal. Përse nuk flitet për gjëra të pakuptueshme por grindemi shumica prej nesh për gjëra të pakuptueshme. Çfarë po ndodh? Reforma në drejtësi po bllokohet pa konsensus dhe po kërkohet shtyrja me konsensus. Loja që ka ndodhur në këtë parlament prej 25 vitesh. Secila palë i ka hedhur fajin palës tjetër por asgjë nuk është bërë. Edhe nëse bëhet kjo reformë, drejtësi nuk do ketë. Ky parlament prodhon fjalë por jo vendime. Ky parlament është me shqiptarë po në shumë pak raste është në dobi të shqiptarëve?, deklaroi Blushi.

Më tej ai theksoi: ?U miratua ligji për dekriminalizimin, shumë kolegë thonë se janë bërë pishman. Çfarë ka këtu për t?u bërë pishman? Ata kriminelë duhet të dalin me ligj nga ky parlament. Kush është bërë pishman, ata që kanë ardhur në parlament me armë. Ata që kanë grabitur me dhunë apo imunitet parlamentar atë që nuk u takon. Ata që erdhën në zyrat e shtetit dhe morën një imunitet. T?u thuash shqiptarëve se në këtë parlament nuk ka kriminelë është si t?u thuash se ka pyll pa derra apo liqen pa ngjala. Ky parlament është pengesa e drejtësisë në Shqipëri. Ky parlament nuk e jep garancinë për drejtësinë. Shqiptarët nuk do jenë të barabartë para ligjit edhe nëse drejtësia ndryshon me ligj?, tha Blushi.





Lajmet e fundit nga