web counter
LEXO PA REKLAMA!

SHKARKO APP

App Store
Google Play

Parandalohet ngjarja kriminale në Pogradec/ Arrestohet 32-vjeçari

14 Prill 2016, 12:32, Aktualitet CNA

Policia e Pogradecit ka parandaluar një ngjarje të rëndë kriminale, midis dy fqinjëve, për motive pronësie. Forcat e rendit kanë arrestuar në flagrancë njëri prej tyre, i cili posedonte në banesë dy armë zjarri pa leje, si dhe municion luftarak.

Nga ana e Specialistëve të Seksionit për Krimet në Pogradec, u bë kapja dhe arrestimi në flagrancë i shtetasit : Ardian Spahi, 32 vjeç, banues në fshatin Vërdovë Pogradec. Arrestimi i tij u bë pas, informacioneve të siguruara në rrugë operative, se ky shtetas posedonte armë zjarri në banesë dhe dyshohet se mund të qëllonte shtetasin me inicialet Y.XH, banues në Vërdovë-Pogradec, me të cilin ka konflikt për motive pronësie.

Si rezultat i një punë të mirëorganizuar, nga efektivët e Komisariatit Pogradec, u bë e mundur mbajtja nën kontroll e situatës dhe parandalimi i përshkallëzimit të mëtejshëm të konfliktit, ku pranë banesës shtetasi Ardian Spahi, u kap me nje armë zjarri pushke model 63.

Gjithashtu nga kontrolli i ushtruar në banesën e këtij shtetasi, u gjetën dhe sekuestruan në cilësinë e provës materiale: 150 copë fishekë model 56 dhe një armë gjahu Turke. Materialet i kaluan Prokurorisë të Rrethit Gjyqësor Pogradec për veprat penale: “Prodhim, mbajtje pa leje e armëve dhe municioneve luftarake” dhe “Mbajtje pa leje e armëve të gjuetisë”, parashikuar nga nenet 278/3/4 dhe 280 të Kodit Penal.





Lajmet e fundit nga