Pse Edi Rama akuzoi dje, për vjedhje "floriri" Ilir Metën?

6 Prill 2016, 13:42, Aktualitet CNA

Nga Kreshnik Spahiu

Dje gjatë një debati në TV KLAN gazetari Artan Hoxha tërthorazi denoncoi një “politikan” të mazhorancës që ka konvertuar floririn e “vjedhur në Krrabë” me 70 milion paund pasuri të patundeshme në Britaninë e Madhe. Sot disa portale pranë qeverisë po publikojnë me sponsorizim lajmin duke e shoqëruar me fotot e Ilir Metës të larë në flori dhe ku drejtpërdrejtë e akuzojnë se ai është i përfshirë në pastrim parash në Londër!

Po pse pikërisht dje dhe pse Edi Rama e sulmoi për herë të pestë Ilir Metën duke hedhur gurin dhe fshehur dorën?

1) Edi Rama sponsorizoi dhe negocoi me Top Channel “përgjimin” Meta-Prifti në Janar 2011

2) Edi Rama me deputetët e tij ndërtuan akuzën për tentativë vrasje ndaj Tom Doshit në 2015

3) Edi Rama me SOROS publikoi kontratat e DIA me CEZ dhe akuzuan Ilir Metën për 100 milion euro rryshfet

4) Edi dhe Ina Rama risollën në publik tre muaj më parë përgjimet e Ilir Metës për sponsorizim fushate me Kastriot Ismailajn të bëra që në vitin 2008

5) Dje sërish Edi Rama i rinxori një histrori 15 vjeçare disi të harruar për vjedhjen e floririt të Krabës duke përhapur informacionin se Ilir Meta zotron 70 milion paund pasuri të patundshme në Londër

Po pse pikërisht dje? Sepse “Panama Papers” dhe shërbimet inteligjente e kanë paralajmëruar Edi Ramën se do i publikohen kontratat e offshoreve dhe pasurive të tij në SHBA, të filtruara nëpërmjet “Paradise Tax” të Panamasë.

Tërmeti global i shkaktuar nga publikimi i emaileve të “Panama Paper” paralajmëron revolta popullore dhe revolucione në disa shtete. Populli islandez e ndezi zjarrin i cili do përhapet kudo. Edi Rama kishte vetëm një rrugë që baltën dhe turpin tja hidhte partnerit dhe aleatit kryesorë, për të bindur opinionin shqiptar dhe ndërkombëtar se e keqja e Shqipërisë është Ilir Meta.

Duke inskenuar legjendat e floririt të Ilir Metës me blerje hotelesh në Londër ai po synon të spostëjë vëmendjen e publikut nga 200 milion eurot e tij tek historitë e Ilir Metës. Po deri kur Iliri do e durojë skuthin Edi Rama dhe thikat që ai i ngul sistematikisht pas shpine? Gjithsesi kjo është çështje e Ilir Metës. Pyetja më saktë duhet ti bëhej shqiptarëve: Sa shekuj larg popullit islandez jeni?