E fundit!

14:51 Aktualitet

Video- Pas më shumë se 5 orësh, Igli Tare del nga SPAK-u

Ish-futbollisti i Kombëtares shqiptare të futbollit, Igli ...

Vodhi Vedat Kokonën/ Adem Jakllari kandidati i LSI-së për Departamentin e Letërsisë

6 Prill 2016, 10:27, Aktualitet CNA

Në valën e zgjedhjeve për drejtuesit e universiteteve, fakulteteve dhe departamenteve brenda tyre, sot është publikuar lista e plotë të kandidatëve për dekanë apo shefa departamentësh në Universitetin e Tiranës.

Citynews bëri një investigim për disa nga këto kandidatura, që duket që jenë jo pa probleme ligjore, megjithëse vijnë nga bota akademike shumë prej tyre kanë pasur probleme ligjore.

Po sjellim rastin e parë, që vjen nga Fakulteti i Histori-Fililogjisë, ku në në disa departamente ka garë, diku ka ?garë? po të quhet edhe ajo pa rivalë. Dhe një lojë e fortë duket në këtë fakultet, që nga gara për dekan dhe deri tek departamentet.

Në kanditaturat e përzgjedhura për pozicionin e Shefit të Departamentit të Letërsisë në Faklutetin e Historisë dhe Filologjisë në Universitetin e Tiranës, bie në sy se përveç emrave të Prof. As. Dr. Lili Sulës dhe Prof. As. Dr. Vjollca Osjes, është emri i Prof. Dr. Adem Jakllarit. Ky i fundit akuzuar dhe më pas dënuar për vjedhjen e Fjalorit të Vedat Kokonës

Ky personazh u bë i njohur në mediat shqiptare dhe në krejt botën frankofone për aktin e vjedhjes dhe përvetësimin e Fjalorit Frëngjisht ? Shqip të personalitetit të shquar të letërisë dhe përkthimit Vedat Kokona.

Ky fjalor, u botua nën kujdesin e Shtëpisë Botuese Toena me botues Z. Fatmir Toçi, aktualisht deputet i Partisë Socialiste në Kuvendin e Shqipërisë!

Për këtë veprim Z. Adem Jakllari u dënua me vendim të formës së prerë nga Gjykata e Tiranës dhe më tej, reagimi intelektual për këtë dukuri ka qenë i kudondodhur, pasi bëhej fjalë për një nga fallsifikimet më të mëdha në fushën e botimeve dhe shkeljes të së drejtës së autorit në Shqipëri.

Nga burime brenda këtij fakulteti bëhemi me dije së për një periudhë dy vjeçare, Z. Adem Jakllari ka dhënë leksione mbi letërsinë shqipe, në deprtamentin e letërsisë Shqipe në Fakultetin e Filologjisë në Beograd. Ndërkohë që në opinionin publik vijonin denoncime për këtë fakt unik në llojin e tij në tjetërsimin e pronësisë intelektuale.

Citynews do sjellë të plotë vendimin e gjykatës dhe debatin kur Jakllari vodhi veprën e Vedat Kokonës. Nga ajo kohë kur vidhte fjalorët e të tjerëve ka pësuar ngritje, kryesisht politike. Me mbështetjen e Shezai Rrokaj, Jakllari kërkon të kapë departamentin e Letërsisë. Jakllari plotëson edhe disa kushte të tjera për LSI-në pasi ai është me origjinë nga Skarapari, prioritet për mbështetjen politike nga kjo parti.