E fundit!

14:51 Aktualitet

Pas më shumë se 5 orësh, Igli Tare del nga SPAK

Ish-futbollisti i Kombëtares shqiptare të futbollit, Igli ...

Marrëveshja Basha-Meta/ Pse PD nuk denoncon skandalet e LSI-së? Hesht për ministrat

6 Prill 2016, 11:45, Aktualitet CNA

Diversion dhe më pas një marrëveshje e qartë e cila nuk i fshihet dot më opinionit publik.

Prej disa kohësh PD është tërhequr nga sulmet ndaj Ilir Metës dhe LSI-së, për më tepër ish kreu demokrat Sali Berisha, në prononcimet e tij thekson se PD-së i duhet koalicioni me LSI-në që të rikthehet në pushtet.

Por qëndrimet e Berishës janë vendimtare për PD-në. Fillimisht heshtja e Bashës dhe ndalimi i sulmeve ndaj Metës, u duk si një diversion i PD-së kundër aleatëve në qeverisje, por në fakt gjërat kanë shkuar përtej diversionit.

Basha-Meta kanë filluar të hedhin themelet e një marrëveshjeje politike. Jo për të dalë sëbashku në zgjedhje por për të qenë bashkë në qeveri nesër, dhe sinjali është heshtja e PD-së për Metën, ministrat e LSI-së apo deputetët e kësaj parti të përfshirë në afera dhe skandale.

Edmon Haxhinasto, ministri i transporteve më i dështuari në histori, nuk sulmohet për asnjë cast për gjendjen skandaloze të rrugëve, Dashamir Xhika – Drejtori i Pergjithshem i Autoritetit Rrugor Shqiptar, as nuk përmendet megjithëse ka tendera dhe skandale të cilat PD dhe opozita i di mjaft mire.

Skandale tek ministria e Ylli Manjanit për provimin e noterëve, individe me precedentë penalë, familjarë të njerëzve me pushtet politik dhe miss-e, ishin fituesit, akuza dhe komente se licensat e noterisë kanë shkuar deri 150 mijë euro, nga qytetarët në rrjetet sociale. PD s?ka veshë të dëgjojë dhe as sy të shikojë?

Tek Ministria e Bujqësisë e Edmond Pararitit po bëhet kërrdia me projektet dhe investimet, bujqësia në kohën e saj më të zezë, PD vjen vërdallë fushave kot.

Integrimi, dështim i garantuar, asnjë hap përpara dhe asgjë për tu theksuar, ministrja Gjosha duket të jetë turiste.

Nuk po theksojmë deputetë, drejtora drejtorish, drejtora rajonale e kështu me rradhë.

PD nuk ka sy të shohë dhe veshë të degjojë për Ilir Metën dhe njerzit e LSI-së? Ndoshta sheh dhe dëgjon, por hesht për shak të marrëveshjes dhe mban syrin e shkelur ndaj Metës si partia që bën mazhorancën në çdo krah.

Lulzim Basha mund të bëjë marrëveshje dhe të heshtë, por nuk duhet të harojë Ilir Meta do luajë vetë për forcë e parë politike dhe Lulzim Basha rrezikon shumë që vitin e ardhshëm ta zëvendësojë. PD gjithmonë ka luajtur për forcë e parë politike dhe jo për mbushëse e thesit të pushtetit, për ta shkundur në çdo krunde që ka brenda./citynews