web counter
LEXO PA REKLAMA!

SHKARKO APP

App Store
Google Play

E fundit!

x

Tregtarët e Korçës drejt falimentimit

28 Mars 2016, 13:26, Aktualitet CNA

Mbi 50 tregtarë në qytetin e Korçës janë në prag falimenti për shkak të rënies së fuqisë blerëse. Interesi i qytetarëve është shumë i pakët ndërsa tregtarët qëndrojnë të heshtur dhe të pashpresë për ecurinë e biznesit të tyre.

Janë tregtarë që kanë me vite të tëra që ushtrojnë biznesin e tyre ndërsa sot ata thonë se fuqia blerëse është pothuajse e papërfillshme. Edhe pse paguajnë taksa shumë të larta xhiroja ditore është shumë e ulet e cila nuk iu del as për shpenzimet minimale dhe jo më për mbajtjen e familjeve të tyre. Ata apelojnë bashkisë për gjetjen e një vendi ku të ushtrojnë biznesin e tyre pasi aktualisht merkatoja private i rëndon edhe më shumë ne xhepat e tyre.

Shqetësim i tyre mbetet edhe tregtimi i produkteve nga shitës ambulantë të cilët thonë se kontrollet nga AKU pothuajse nuk kryhen asnjëherë

Gjatë viteve të fundit tregtarët e Korçës kane shprehur shpesh shqetësime rreth taksave te larta ndërsa sot ata thonë se biznesi i tyre po shkon drejt mbylljes për shkak të tyre dhe rënies së fuqisë blerëse.

Njëra prej tyre është Drita Sadiku, e cila prej 18 vitesh merret me shitjen e bulmetit. Ajo shprehet se asnjëherë nuk i ndodhur si sot, që të mos mundesh të fitosh as bukën e gojës. Sadiku thotë se paratë që ajo fiton, nuk i dalin për vendin, ujin dhe dritat. Sipas saj, nëse kjo gjendje vazhdon, tregtarët do të detyrohen të ulin qepenat.

?Prej 18 vitesh shes bulmet por asnjehere nuk ka ndodhur si sot qe te qrndrojme gjith diten edhe mos fitojme qofte edhe per te nxjer buken e gojes. Taksat jane shumë te larta. Sme dalin as per vendin , ujin dhe dritat. Me cfare do e mbaj familjen? Vetem buke dhe nje bidon qumesht ble asgje tjetër.. Nuk ka fuqi blerese , ka shkuar cdo gje ne fund. Do detyrohemi ta mbyllim sepse rrim gjith diten duke qare hallet me nj tj?, shprehet ajo





Lajmet e fundit nga