web counter
LEXO PA REKLAMA!

SHKARKO APP

E fundit!

x

Polici bashkiak Dritan Hardhija, kriminel i rrezikshëm në duart e Veliajt

28 Mars 2016, 10:23, Aktualitet CNA

Polici i Bashkisë së Tiranës, Dritan Hardhija, i cili pretendoi se u rrah disa ditë më parë nga protestuesit e shoqërisë civile, rezulton të jetë shoqëruar në polici për grabitje me dhunë.

Ngjarja ka ndodhur në vitin 2004 ku Hardhija së bashku me disa persona të tjerë është shoqëruar në polici pasi  kanë grabitur me armë një person me iniciale P.N., duke e kërcënuar që t’u jete të gjithë paratë dhe sendet me vlerë që posedonte. Ai u qe përgjigjur negativisht kërkesave të tyre. Por, pak sekonda më pas e pa veten pre e dhunës së tyre. Të panjohurit e kanë rrahur kalimtarin keqas, e kërcënuan se do ta vrisnin nëse denonconte në polici dhe në fund i kanë marrë gjithçka të vlefshme.

Dritan Hardhija  u pa dy ditë më parë, i veshur si civil, tek protesta e shoqërisë civile duke i dhunuar ata për cadrën që kishin ngritur tek liqeni.

Avokati Altin Goxhaj na sjellë fakte të tjera për policin e Bashkisë. Në një postim në rrjetet sociale, Altin Goxhaj shkruan se Dritan Hardhija ishte një kriminel i rrezikshëm që grabiste natën tregtarët e vegjël, ndërsa sot e bën me uniformën që i ka dhënë Veliaj.

Goxhaj ka postuar edhe një video, për të faktuar të shkuarën e Dritan Hardhisë si dhe dhunën e përdorur ndaj protestuesve të shoqërisë civile.

 





Lajmet e fundit nga