web counter
LEXO PA REKLAMA!

SHKARKO APP

E fundit!

x

Referendumi për kryetarin e PS/ Rama i trembet ndëshkimit nga baza, thërret në takim drejtuesit

24 Mars 2016, 08:35, Aktualitet CNA

Partia Socialiste do të shkojë në referendum për të zgjidhur cështjen e kryetarit të saj. Anëtarët e kësaj force politike do të votojnë nëse duhen mbajtur zgjedhje apo jo.

Por, duket se kryeministri Edi Rama i trembet braktisjes së referendumit nga socialistët në bazë. Ai ka thirrur dje pasdite drejtuesit e qarqeve të Partisë Socialiste dhe deputetët, të cilët i ka urdhëruar se pjesëmarrja në votime duhet të jetë mbi 50%.

Sipas ?Sot?, Rama i trembet një ndëshkimi të mundshëm nga baza, për mos mbajtjen e premtimit për punësimet dhe injorimet e kërkesave dhe sugjerimet e tyre.  Shpesh herë, ai është akuzuar nga krerët e PS në rrethe se nuk ka punësuar militantët dhe kontribuesit në fitimin e dy zgjedhjeve, vendore e lokale, ndërkohë që mban në administratë të punësuarit e qeverisë Berisha.

Për këtë arsye, Edi Rama, ka urdhëruar një pjesëmarrje mbi 50% të anëtarëve socialistë. Në rast se pjesëmarrja do të ishte nën 50%, referendumi do dështonte dhe Rama do të ishte i detyruar të zhvillonte zgjedhje për kryetarin.





Lajmet e fundit nga