web counter
LEXO PA REKLAMA!

SHKARKO APP

App Store
Google Play

E fundit!

x

Lirohen 3 kosovarët e arrestuar në Gjermani për sulmet në Bruksel

23 Mars 2016, 18:45, Aktualitet CNA

Pas një dëshmie anonime në një faqe interneti të policisë se Bavarisë ndaj tyre ishte inicuar një procedurë hetimore.

Presidenti i policisë së landit të Bavarisë, Wilhelm Schmidbauer nuk janë gjetur dëshmi për lidhjen e tyre me terrorizëm, përcjell albinfo.ch. Për këtë arsye prokuroria i ka liruar personat në fjalë.

Një zëdhënës i Zyrës së Bavarisë për krime pati konfirmuar dje informacionet që i ka publikuar televizioni ARD. Sipas tyre, tre personat po vinin nga Brukseli me një makinë të regjistruar në Belgjikë, raporton focus.de, përcjell albinfo.ch.

Indikacione për lidhjen me sulmet terroriste të Brukselit deri tash nuk ka, është shprehur një zëdhënës i policisë.

Por, ai ka thënë se ndaj tyre po zhvillohen hetime, me dyshimin se po përgatisnin një ?vepër penale me rrezikshmëri të madhe për shtetin?.

Arrestimi i tyre ka ndodhur, sipas Bayerische Rundfunk, pasi që një njeri i panjohur natën e të hënës i kishte dhënë policisë së Bavarisë një informatë që fliste për planifikim të një akti terrorist. Janë përmendur personaliet e dy shqiptarëve të Kosovës të cilët po lëviznin me një veturë Mercedes ngjyrë argjendi.

Policët pastaj kanë ndaluar makinën në të cilën kanë qenë dy vëllezër dhe një shoqërues i tyre, të moshave 36 dhe 46 vjeçarë. Ata kanë deklaruar se po punonin për një firmë belge të ndërtimit, transmeton albinfo.ch. 30.000 eurot që u ishin gjetur, i kishin për të paguar një shtëpi në Belgjikë, shkruan br.de. Këtë të fundit e kanë dëshmuar edhe autoritetet belge

Planet e ndërtimit të gjetura në makinën e tyre i takonin një kantieri që ata e mbikëqyrnin. Njëri nga dy vëllezërit po kërkohej me fletarrest pasi që e kishte vendimin për të lëshuar Gjermaninë sepse i ishte refuzuar kërkesa për azil dhe kishte kaluar në ilegalitet.





Lajmet e fundit nga