Tërbohet Enno Bozdo/ Sulmon emisionin STOP: Kanë humbur shikimin dhe dinjitetin profesional

23 Mars 2016, 21:57, Aktualitet CNA

Ish-Nënkryetari i Bashkisë Tiranë, Enno Bozdo ka sulmuar emisionin investigativ ?Stop?, për të cilin thotë se ka humbur shikimin dhe dinjitetin profesional. Përmes një reagimi për mediat, Bozdo shprehet se detyrë e vetme dhe parësore e një emisioni investigativ është të investigojë dhe të tregojë të vërtetën pa e falsifikuar apo tjetersuar. Reagimi i Bozdos vjen pas emisionit të Stop, ku u denoncua lidhur me investimin në rrugën e “Kosovarëve” në kryeqytet.

Deklarate e ish/nenkryetarit te Bashkise se Tiranes, Eno Bozdo

Eshte detyre e vetme dhe paresore e nje emisioni investigativ, te investigoje dhe te tregoje te verteten ashtu sic eshte, pa e fallsifikuar apo tjetersuar.
Me keqardhje konstatova se kjo nuk ndodhi sot.
Emisioni qe duhet t`i thote stop abuzivizmit, ne fakt i tha stop vetvetes: e verteta mbi rrugen e “Kosovareve” eshte se projekti prej 75 milione lekesh te reja, i konceptuar, hartuar dhe detajuar nga administrata Basha, u stopua nga Ministria e Arsimit, e cila nuk lejoi per 2 vite zgjerimin e pjeses lidhese te rruges. Kjo pjese lidhese i takonte kompleksit sportiv “Dinamo” dhe Ministria e Arsimit ishte ligjerisht pergjegjese per te kaluar pronesine e truallit (sic e kerkon ligji) tek Bashkia e Tiranes. E perseris: ishte ligjerisht pergjegjese!
Dy vjet shkresa drejtuar Ministrise se Arsimit nuk morren asnjehere pergjigje. Dy vjet takime, dhe perpjekje per te zhbllokuar metrat e fundit, edhe pse me fjale na jepej gjithmone e drejte, nuk sollen asgje. “Ministrja nuk pranon te firmose”-na thuhej nen ze. Perfundimisht,rruga mbeti e bllokuar. U bllokua edhe pse kish mbetur vetem per shtresen e asfaltit, por bllokimi i pjeses lidhese nuk mundesonte teknikisht perfundimin e shtresave te asfaltit!
Ishte mese e qarte se urdheri politik i Rames per bllokim nuk kurseu as rrugen e Kosovareve, pasi kish “keputur ne mes” projektet e medha te Bulevardit te Ri, te Terminalit Multimodal, te Menaxhimit te Mbetjeve e keshtu me rradhe. Madje kur mendon se u bllokuan edhe varrezat, historia e rruges duket fort pa zarar! Baterdia politike e Rames bertet fort ne kete rast.
Nje investigim pakzes serioz, por pakez fare, do ta gjente menjehere shkakun perse rruga e Kosovareve, edhe pse gati ne perfundim, nuk pati mundesine qe prej 2014 te perurohej dhe t`i jepej komunitetit. Mjafton t`i referohesh korrespondences zyrtare mes Bashkise se Tiranes dhe Ministrise se Arsimit.
Dhe sigurisht ne kete rast leverdis t`ia hedhesh fajin opozites. Keshtu na rezulton se embelsia e pushtetit ka helmatisur rende edhe stopistat investigues: i ka helmatisur kaq rende, sa qe kane humbur shikimin dhe arsyen, madje ndoshta dinjitetin profesional.
Cfare ironie kur mendon se ne te njejten kohe po heshtet dhe po mbyllen syte qe vetem disa metra me tutje, mu ne mes te Parkut, po hidhet beton ne mes te dites, po priten pemet ne mes te dites, po protestohet diten dhe naten. Madje po rrihen protestuesit diten dhe naten! Po per kete nuk ka asnje problem, problem qenka rruga e Kosovareve dhe per kete, fajin e ka si gjithmone opozita!