web counter
LEXO PA REKLAMA!

SHKARKO APP

App Store
Google Play

Greqia kthen refugjatët në Turqi

21 Mars 2016, 16:59, Aktualitet CNA

Marrëveshja e arritur mes BE dhe Turqisë parashikon kthimin e refugjatëve nga Greqia drej Turqisë.

Sipas kryeministrit grek Tsipras kjo marrëveshje kërkon kohë për tu vënë në zbatim dhe migrantët që arrijnë në ishujt grekë që tani e tutje do të regjistrohen përpara se të kthehen pas në Turqi.

Deutsche Ëelle raporton se ka mungesë personeli që të mund të shoqërojë mjetet private të transportit për në portet e Turqisë.

Sipas të dhënave të Tsipras, shtetet e BE kanë premtuar se do të dërgojnë mbështetje me personel – midis tyre ekspertë për çështjet e azilit, përkthyes dhe policë.

Korrespondentët e DË raportojnë se Greqia ka nisur boshatisjen e kampeve të refugjatëve në ishujt e Egjeut. Nga ishujt Lesbos dhe Chios janë dërguar qindra refugjatë në Pire. 640 persona që kërkojnë mbrojtje mbërritën të shtunën në mbrëmje në qytetin port, bëri të ditur radioja shtetërore.

Të gjitha kampet e refugjatëve në ishullin Lesbos sipas planeve duhet të boshatisen brenda 48 orësh. Refugjatët janë të çorientuar, raporton korrespondenti i DË, Jafaar Abdul Karim. Shumë refugjatë nuk i kanë informuar se çdo të bëhet më tej me ta. Por autoritetet e vazhdojnë punën e tyre.

Natën duke gdhirë e diela 875 refugjatë të rinj erdhën kryesisht në ishullin Lesbos që nga Turqia, bëri të ditur shtabi grek për krizën e refugjatëve. Një ditë më parë, nga Turqia në Greqi erdhën 1498 refugjatë, të premten ishin 670 vetë, të enjten 239 vetë. Autoritetet greke bënë të ditur se aktualisht në Greqi ndodhen 47.500 refugjatë.

 





Lajmet e fundit nga