web counter
LEXO PA REKLAMA!

SHKARKO APP

App Store
Google Play

Pezullohet nga detyra drejtoresha e Spitalit të Durrësit

21 Mars 2016, 13:03, Aktualitet CNA

Drejtoresha e Spitalit të Durrësit, Ardjola Frashëri, është pezulluar nga detyra pasi akuzohet për  ?Shpërdorim detyre? dhe ?Shkeljes së barazisë në tendera?. Pezullimi u bë nga Gjykata e Durrësit me kërkesë të prokurorisë.

Prokuroria e Durrësit ka nisur hetimin në bazë të kallëzimit të Kontrollit të Lartë të Shtetit, i cili ka audituar veprimtarinë ekonomike të Spitalit Rajonal të Durrësit për periudhën 2013-2015. Nga hetimet e Prokurorisë ka rezultuar se, në të paktën 23 raste, drejtoresha Frashëri, si edhe ish-drejtori Taulant Baku, i cili gjithashtu është nën hetim, kanë urdhëruar kryerjen e prokurimit publik me procedurën e ?Negocimit pa njoftim paraprak?. Në bazë të ligjit ?Për prokurimin publik?, kjo procedurë aplikohet vetëm në raste emergjente. Nga hetimi i deritanishëm i Prokurorisë së Durrësit rezulton se prokurorimet publike me negocim pa njoftim janë kryer në shkelje të ligjit, për faktin se nuk ka pasur asnjë arsyetim për kushtet e emergjencës.

Nga hetimet e deritanishme, Prokuroria e Durrësit konsideron si shkelje ligjore procedurat e prokurimit publik për mallra dhe shërbime, si: blerje nafte, shërbim kateringu, shërbim ruajtje civile, riparim pavionesh, blerje materiale pastrimi, si edhe për blerje medikamentesh dhe materialesh mjekësore.
Në vijim të hetimit, Prokuroria e Durrësit do të analizojë dëmin e shkaktuar nga procedurat e dyshuara si të zhvilluara në kundërshtim me ligjin. Sipas raportit të Kontrollit të Lartë të Shtetit, dëmi ekonomik llogaritet në vlerën e rreth 70 milionë lekëve.





Lajmet e fundit nga