web counter
LEXO PA REKLAMA!

SHKARKO APP

App Store
Google Play

Ja sms-ja e Enno Bozdos/ Deputetët e PD-së urdhërohen të shkojnë në protestë tek liqeni në orën 19:00

21 Mars 2016, 15:44, Aktualitet CNA

Kjo është sms-ja që Sekretari i Partisë Demokratike Enno Bozdo e ka çuar në drejtim të deputetëve demokratë. Megjithëse Bozdo nuk është as deputet dhe s?ka asnjë funksion në grupin parlamentar, (pra personi që do të urdhëronte duhej të ishte Edi Paloka), me një sms urdhëron deputetët e PD-së që në orën 19:00 me porosi të kryetarit Basha të jenë tek Liqeni Artificial. Bozdo sqaron se arsyeja e pranisë të deputetëve është për faktin se ata duhet të jenë në mbrojtje të makinave të betonit të cilët shkatërrohen natën. Sipas Ennos, të rinjtë do i bllokojnë betonieret, ndërsa deputetët e PD-së duhet të jenë të pranishëm që askush prej tyre të mos preket.

Urdhri i Lulzim Bashës që deputetët demokratë të jenë në krye të protestës, të bllokojnë betonieret apo të mbrojnë shoqërinë civile, e cojnë cështjen e debatit të ndërtimit të parkut të liqenit në një cështje të pastër politike.

Të rinjtë do mbrojnë pemët dhe do bllokojnë betonieret, deputetët do mbrojnë të rinjtë. Në fakt ka një ndryshim të madh me protestat e Ramës dje.

Deputetët socialiste coheshin të luftonin trup më trup me forcat e policisë në pallatin e Dash Pezës, të bllokonin rrugët me goma, të përplaseshin dhe të bllokonin KQZ-në apo të shkonin në greva urie.

Lulzim Basha ka një metodë më moderne se Edi Rama, megjithëse akuzohet se e kopjon këtë.

Pak sa qesharak është fakti kur mendon se deputetët do të jenë në rolin e dordolecave për të trembur policët. Sidomos kur ky urdhër vjen nga vetë Ennoja.

Të shpresojmë që në orën 19:00 pjesëmarrja e shoqërisë civile, rinisë, qytetarëve të Tiranës, të jetë sa më e madhe për të penguar betonizimin e parkut të Liqenit. Po të jetë për Ennot dhe urdhrat e tij, nuk besojmë se ndonjë deputet demokrat ia vë veshin. Ndoshta ata duhet të jenë atje si qytetarë dhe jo si mercenar i Bozdos./citynews12325964_10208578432040294_1239817740_o





Lajmet e fundit nga