web counter
LEXO PA REKLAMA!

SHKARKO APP

App Store
Google Play

E fundit!

x

Veliaj vetëshpallet Kryetar i PS-së/ Mimi Kodheli Kryetare e Grupit parlamentar

20 Mars 2016, 11:47, Aktualitet CNA

Erion Veliaj është vetëshpallur Kryetar i Partisë Socialiste, ndërsa Ministrja Mimi Kodheli Kryetare e Grupit parlamentar socialist. Të dyja këto ?emërime? janë publikuar në enciklopedinë online Wikipedia, në të cilën çdokush mund të shtojë dhe redaktojë artikujt të ndryshëm.

Në rastin konkret, ashtu siç duket edhe më poshtë, Kryetar i Partisë Socialiste nuk është Edi Rama, por rezulton të jetë i ?vetëshpalluri? si i tillë, Erion Veliaj. Ky i fundit, i cili po e shfaq veten si pasardhësi i Ramës në PS, hapi ditën e djeshme Kongresin e Partisë Socialiste duke konfirmuar në një farë mënyre aspiratën e tij për të qenë kryetar i socialistëve. Mesa duket detaji në artikullin e publikuar në Wikipedia, ku Kryetar i PS-së figuron Erion Veliaj, mund të jetë një tallje e njerëzve të kryebashkiakut të Tiranës, i cili po shfrytëzon çdo hapësirë për t?u konfiguruar si pasardhësi i Ramës në PS. Në Wikipedia Rama rezulton të jetë lideri i Partisë Socialiste, dhe jo Kryetar i saj. Në ngjashmëri me Hitlerin, i njohur si Fyhreri, edhe Edi Rama shpallet Lider dhe nuk zhvillon zgjedhje brenda partisë.

Të njëjtën aspiratë për ngjitje në karrierën brenda së majtës duket se e ka dhe Ministrja e Mbrojtjes Mimi Kodheli, e cila sipas Wikipedia-s, rezulton të jetë bashkëkryetare e Grupit Parlamentar socialist, së bashku me Gramoz Ruçin. Ky i fundit pati edhe një përplasje indirekte me deputetin Koço Kokëdhima, i cili synonte të zinte vendin e Ruçit në PS. Por mesa duket kjo ambicie nuk qenka e ?pashait të jugut?, Kokëdhimës, por e Ministres Kodheli./citynews





Lajmet e fundit nga