E fundit!

10:45 Kronika

Vrau efektivin e policisë dhe plagosi një tjetër/ Kush është autori i ngjarjes në Maliq

Një ngjarje e rëndë u shënuar këtë të enjte në Lozhan të M...

Për dinjitetin e plakës së gjobitur nga Bashkia/ Nga Mero Baze

11 Mars 2016, 19:39, Opinione CNA

Kryetari I Bashkisë së Tiranës, ka marrë përsipër të paguaj një gjobë të vendosur nga policia bashkiake ndaj një grua të moshuar që shiste tek hyrja e një pallati dhe për të cilën, ishin ankuar banorët e pallatit, sipas Bashkisë. Siç ndodh rëndom, rrjetet sociale treguan ?dhimbshuri? për plakën edhe pse ndonjëri mund të ketë qenë banorë I asaj shkallës që e kanë denoncuar, ndërsa kryetari I Bashkisë, tregoi ?dhembshuri? për rrjetet sociale, edhe pse është duke bërë diçka të paligjshme dhe pa sens duke paguar një gjobë që nuk është e tij.

Erion Veliaj I cili po kalon një periudhë të mbushur me më shumë se gjashtë protesta në ditë kundër tij, të cilat nuk po I përballon keq, duket se ka dash të zbut reagimet ndaj asaj fote, duke marrë përsipër gjobën.

Kjo është një mënyrë e mirë për të tërhequr mbi vete gjithë rrufetë që lëshon fantazia e qytetit, po nuk është një mënyrë e mirë për të qeverisur.

Së pari rregulli, që shitësit ambulant të mblidhen në tregje të përqëndruara, është fillimi I vendosjes së një discipline në rrugët e qytetit mbushur me tregëtarë ambulant sin ë Kandahar dhe për këtë nuk duhet ketë hezitim. Beteja për tarifat e tregjeve të autorizuara nga Bashkia janë debat I duhur, por Bashkia nuk duhet të tërhiqet nga vendimi për të pastruar rrugët dhe cepat e pallateve nga shitësit ambulant.

Së dyti derisa, ky proces të stabilizohet, Bashkia nuk është e thënë të marrë kërbaçin dhe të ndëshkoj këdo që i del para. Sensi I masës dhe llogjika duhet të dominojë mbi formalizmin. Ajo plaka dhe shumë të tjera si ajo, nuk është e thënë, që duhet të gjobiten. Ato duhet të lajmërohen, të këshillohen, të njoftohen për tu larguar, të mundësohet për to tregu I lirë pa taksa, një here në javë, sikundër ka premtuar në fushatë elektorale, etj, derisa të gjithë të shikojnë se nuk ka asnjë mundësi tjetër veçse të shesin një here në javë pa taksa dhe çdo ditë tek tregu I lirë. Edhe në kohë të komunzimit kur nuk lejohej tregëtia e lirë, kishte një të dielë, që mund të shisje prodhimet e kopshtit personal në qytet. Ajo grua plak dhe dhjetra të tjera si ajo, nuk ka pse përballen me gjoba, por duhet të përballen me praktikat e reja të Bashkisë për vendosjen e rregullit, përmes një lloj sjellje të njerëzishme ndaj tyre. Gjesti I Veliajt është një përgjigje e natyrës së tij, për histerinë e rrjeteve sociale, por nuk është një përgjigje e duhur për kryetarin e Bashkisë. Ai duhet të pastroj rrugët e qytetit nga ajo gruaja që na bën të gjithëve të ndjehemi keq, dhe duhet ti ofroj asaj një vend dinjitoz, një here në javë, të shes pa taksa, ato që ka prodhuar vet. Të tjerët që e kanë biznes atë punë, le të shkojnë tek tregu.

Së fundmi vetëm këtë javë kam dëgjuar që protestojnë kundër Bashkisë së Tiranës, pes grupe ?ambjentalistësh, një sindikatë taksish, dy shoqata të shpronësuarish, disa parti politike, një klub tifozësh futbolli, etj. Kjo nuk më duket se i bën keq kryetarit të ri të Bashksië, pasi tregon së paku që ai po përballet me problemet e qytetit, por ai është zgjedhur aty për të marrë vendime qofshin këto dhe të dhimbshme dhe jo për të paguar nga xhepi gjobat që vendosen sipas vendimeve që ka marrë. Për vendime të gabuara nuk paguhet nga xhepi, paguhet në zgjedhje dhe për njerëzit në nevojë, mëshira është dhurata më e keqe.

Tirana do jetë më e qetë dhe më qytet, nëse atë plakën shamibardhë e shikon një ditë në një treg pa taksa, duke shitur plot dinjitet, se sa në profilet e facebokut të dhjetra delirantëve, të cilëve plaka nuk ua di për nder, se nuk e di fare, që dikush ka ?vajtuar? për të.