web counter
LEXO PA REKLAMA!

SHKARKO APP

App Store
Google Play

Ambasadori Lu-studentëve: Herën tjetër që do të kaloj pranë një tufe delesh në rrugë, do t’ju mendoj

23 Shkurt 2016, 20:25, Aktualitet CNA

Ambasadori i Shteteve të Bashkuara të Amerikës, Donald Lu, është shprehur se herën tjetër që do të kalojë pranë një tufe delesh në rrugë, në mendje do të ketë studentët. Ai ka qenë i pranishëm dje në prezantimin e projektit të përbashkët Slloveni-SHBA për Trajnimin Profesional, ku është inauguruar një qendër trajnimi pranë Universitetit Bujqësor.

?Ministër Panariti, Ministër Klosi, Ministre Nikolla, Ambasadore Stan?i?, Rektor Harizaj, të dashur kolegë! Kur kam mundësi të udhëtoj në Shqipëri, buzëqesh sa herë hasim një tufë delesh në rrugë. Kjo më kujton se Shqipëria nuk është Tirana dhe se pjesa më e madhe e këtij vendi të bukur mbetet rurale dhe bujqësore. Do të doja të mendoja se puna që kemi bërë këtu do t?i bëjë më të shëndetshme ato dele dhe do t?i ndihmojë ata që kujdesen për to të jenë të trajnuar më mirë dhe më konkurrues. Ndjehem i nderuar që jam bashkë me Ministrin Panariti sot këtu, pasi di që ai është ekspert i vërtetë veterinar, përveçse një ministër i respektuar. Pres me kënaqësi të dëgjoj fjalët e tij të mençura.

Jam gjithashtu i kënaqur që jam sot këtu me Ambasadoren Stan?i? për të përuruar projektin e përbashkët të ndihmës ndërmjet Shqipërisë, Sllovenisë dhe Shteteve të Bashkuara. Shpresojmë që ky të jetë një partneritet i gjatë dhe i mbarë?, ka thënë ambasadori amerikan.

?Kjo është një Qendër e bukur dhe e re e Trajnimit Profesional. Megjithatë nuk është ndërtesa thelbi i projektit ? por studentët e saj! Një qendër e tillë, e një cilësie të lartë, do t?u japë studentëve mundësinë të zhvillojnë aftësitë e tyre dhe të kontribuojnë për rritjen e bujqësisë anembanë vendit?, është shprehur Donald Lu.

Ambasadori Lu e ka mbyllur fjalën sërish me delet. ?I uroj suksese të gjithë pedagogëve dhe studentëve që do të kalojnë nëpër dyert e këtij institucioni të rëndësishëm. Herën tjetër që do të kaloj pranë një tufe delesh në rrugë, do t?ju mendoj?, ka thënë ai në takimin me studentë.





Lajmet e fundit nga