E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Betonizimi i Liqenit/ Ja këndi i braktisur i lojërave

23 Shkurt 2016, 11:51, Aktualitet CNA

Kryebashkiaku i Tiranës, Erion Veliaj, vendosi në fshehtësi ndërtimin e një këndi lojërash për fëmijë, që në të vërtetë ka të bëjë me betonizimin e një hapësire të konsiderueshme tek Parku i Liqenit Artificial në Tiranë.

Shtresa betoni, guriçka dhe një sërë lëndësh të tjera jo natyrale janë parashikuar të hidhen për ndërtimin e këndit të lojërave në një park natyral, sic është ai i Liqenit Artificial.

Shoqëria civile, opozita dhe specialistë të shumtë e kanë kundërshtuar ndërtimin dhe betonizimin e Parkut të Liqenit. Kundërshtimi ka ardhur jo vetëm si reagim ndaj për të mos prekur këtë park, por edhe duke argumentuar me fakte shkeljen e ligjeve që nga mos marrja e lejes mjedisore e deri tek ndalimi në mënyrë kategorike i cdo lloj ndërtimi brenda hapësirës së parkut.

Ndërtimin i këndit të lojërave në vetvete nuk kundërshtohet, pasi do të ishte një shërbim i munguar për fëmijët e kryeqyteti. Ajo që është e papranueshme është betonizimi i parkut. Këtë kënd lojërash, me përbërje betoni, guriçkash dhe shtresa hekuri, bashkia mund ta ndërtojë në një vend tjetër. Edhe brenda hapësirës tek Parku i Liqenit mund të ndërtohet, por me lëndë natyrale, të padëmshme për parkun.

Citynews po sjell një vend, i cili ka shërbyer më par si kënd lojërash, e që sot gjendet i braktisur. Ky kënd, i quajtur “Mama Dhia dhe Kecat”, gjendet në qendër të Tiranës, mbrapa ?Piramidës? dhe prej disa vitesh është jashtë cdo funksioni. Në këtë vend të braktisur, Bashkia e Tiranës dhe Erion Veliaj, mund të ndërtojë Këndin e Lojërave.

Pra, kryeqyteti nuk ka mungesë hapësirash ku mund të ndërtohet Këndi i Lojërave. Një tjetër vend ku mund të ndërtohet, është parku mbrapa ?Teatrit të Operas dhe Baletit?. Por, Bashkia insiston se vendi më i përshtatshëm është për të ndërtuar Këndin e Lojërave është brenda Parkut të Liqenit, edhe pse në kundërshtim me ligjin, edhe pse në kundërshtim me premtimet e Erion Veliaj për të mbrojtur këtë park./citynews