web counter
LEXO PA REKLAMA!

SHKARKO APP

App Store
Google Play

Ndocaj: Ja fytyra e vërtetë e politikës shqiptare në këto vite!

22 Shkurt 2016, 20:51, Aktualitet CNA

Deputeti Eduart Ndocaj është shprehur se fytyra e vërtetë e politikës shqiptare në 25 vitet e fundit është dështimi në zhdukjen e varfërisë. Përmes një postimi në rrjetin social Facebook, Ndocaj ka shpërndarë foton ku duket një grua e cila mbledh domatet me të cilat opozita gjuajti në drejtim të Bashkisë së Tiranës gjatë protestës kundër betonizimit të Parkut Kombëtar të Liqenit. Në reagimin e tij, Ndocaj shprehet se Shqipëria ka patur dhe ka një politikë të papërgjegjshme dhe shumë të korruptuar.

Postimi në Facebook nga deputeti Eduart Ndocaj

Kjo është fytyra e vërtetë e politikës shqiptare në këto vite!

Në foltoren e Parlamentit fola se ka njerëz që janë këtu për 25 vjet dhe ndoshta do të vdesin këtu, po ashtu thashë së në Parlament ka edhe deputetë mielli. Sot, Opozita bëri një protestë për dëmtimin e liqenit artificial. Kjo është një foto që dëshmon realitetin e shëmtuar të politikës shqiptare në 25 vjet. Opozita në shenjë demokratik zgjodhe të protestojë duke gjuajtur me domate e jo me gurë dhe siç duket një qytetare që me siguri me probleme ekonomike të rënda shfrytëzon protestën për të mbledhur domatet e hedhura nga opozita dhe të përplasura në mur.
Të dashur vëllezër dhe motra shqiptar ka që nga 1990 që luftojmë jo për një jetë më të mirë, por luftojmë në mjerimin migjenian dhe në sforcimet e mëdha për të mbijetuar. Varfëria edhe pse kanë kaluar 25 vite vazhdon të jetë sfida më e madhe e në të njëjtën kohë dështim më i madh i klasës politike shqiptare. Kjo ka ndodhur e ndodh për shkak të një politike të papërgjegjshme dhe shumë të korruptuar. Nuk mund të vazhdojmë më kështu! Nuk ka më kuptim kështu! Deri kur?!





Lajmet e fundit nga