web counter
LEXO PA REKLAMA!

SHKARKO APP

App Store
Google Play

E fundit!

x

Debati/ Klosi: Korça, 5600 vende të lira pune. Tabaku: Propagandë, statistikat të pavërteta

22 Shkurt 2016, 20:45, Aktualitet CNA

Ministri i Mirëqenies Sociale dhe Rinisë, Blendi Klosi është shprehur se në qytetin e Korçës ka 5600 vende të lira pune, ndërsa deputetja demokrate Jorida Tabaku e ka konsideruar të pavërtetë këtë statistikë. Në debatin e zhvilluar në studion e ?Njerëz në Fokus? në ?News24?, ministri Klosi, tha se qytetarët duhet të shkojnë tek zyra e punës, pasi ka oferta nga biznesi për vende pune.

?Janë shumë kompani në Korçë që së bashku kanë ofruar 5600 vende pune. Atë histori Edi Ramës, për mungesën e kasapëve, ia thamë ne, pasi kemi biseduar me pronarin e një kompanie që kërkonte 50 kasapë. Mund edhe ta verifikoni këtë. Këto kompani që kërkojnë punonjës, kërkojnë persona të përgatitur profesionalisht. Qytetarët që nuk kanë punë, duhet të shkojnë tek zyra e punës. Oferta e biznesit është kjo?, tha ministri Klosi.

Ndërsa Tabaku kundërshtoi ?Nga të dhënat e INSTAT, bujqësia është me rënie, ndërtimi po ashtu. Atëherë si janë rritur vendet e punës, kur ekonomia ka shënuar rënie. Nuk e di si e nxjerrin këta këtë formulë, që nuk ndodh kurrkund. Të gjitha shifrat që përmendin janë propagandë dhe të pavërteta, dhe kanë harruar t?i rakordojnë me institucionet e tjera. Unë mora shembull INSTAT-in?.





Lajmet e fundit nga