web counter
LEXO PA REKLAMA!

SHKARKO APP

App Store
Google Play

Ekskluzive/ Braktisen punimet ne rrugën nacionale Korçë – Ersekë

22 Shkurt 2016, 13:41, Aktualitet CNA

Punimet në aksin rrugor Korçë-Ersekë janë braktisur totalisht nga qeveria. Ky aks ka qenë  një makth për drejtuesit e mjeteve për shkak të amortizimit të tepërt. Në qershor të vitit 2013, qeveria e atëhershme akordoi një fond prej gati 2 miliard lekë duke nisur një projekt, i cili dukej se do ti jepte fund makthit të drejtuesve të mjeteve.

Por, nga viti 2013 kur kanë nisur punimet për këtë aks, qeveria e tanishme nuk ka kryer asnjë veprim për të përfunduar rrugën Korçë-Ersekë. Në fakt, aksi që lidh dy qytetet jug-lindore duhet të kishte përfunduar në qershor të vitit 2015. Kanë kaluar gati një vit nga afati i përfundimit dhe ende punimet janë në nivel fillestar.

Ashtu sic shihet edhe nga fotot, aksi Korçë-Ersekë, jo vetëm që është braktisur, por gjendja e saj është edhe më e keqe seç ishte më parë. Gropa, baltë dhe ujë është panorama e kësaj rruge, e cila lidh dy qytete.

Braktisja e plotë e punimeve në këtë rrugë të nisur në vitin 2013, është në dëm të qytetarëve, por edhe në dëm të turizmit. Nëse projekti do të kishte përfunduar sipas afateve, përveç lëvizjes së qytetarëve të Korçës dhe Ersekës, kjo e fundit do të kthehej në atraksion për turistët./citynew

 





Lajmet e fundit nga