web counter
LEXO PA REKLAMA!

SHKARKO APP

App Store
Google Play

E fundit!

x

Ministria e Financave: Rishikim ligjeve bazë të financave publike/Projektligj i ri organik për buxhetin

22 Shkurt 2016, 08:54, Aktualitet CNA

Ministria e Financave filloi një proces të rishikimit dhe harmonizimit të ligjeve bazë që rregullojnë menaxhimin e financave të sektorit publik.

Në një njoftim për mediat shkruhet se “Ministria e Financave si institucioni pergjegjes per hartimin e ligjeve bazë, të cilat zbatohen në të gjithë sektorin publik, ka filluar të unifikojë aktet që përfshihen në kuadrin rregullator të hartimit dhe zbatimit të buxhetit të shtetit, të menaxhimit financiar dhe të auditimit të brendshëm publik.

Kjo nismë synon, jo vetëm harmonizimin e akteve në kuadër të ndryshimeve të fundit, por edhe të përmirësojë metodat dhe procesin e aktbërjes, duke synuat  gjithpërfshirje, të aktorëve të interesuar dhe të gjithë publikut dhe çdo pale tjetër, pavarësisht nëse ndikohet ose jo nga këto akte.

Ministria e Financave, në dy vitet e fundit, ka hartuar dhe miratuar në Kuvend një sërë ligjesh që përmirësojnë kontrollin, monitorimin dhe eficensën e përdorimit të fondeve publike, si rishikimin e ligjit për menaxhimin financiar dhe kontrollin, për auditimin e brendshëm publik si dhe ligjin për inspektimin financiar publik, të cilat kërkojnë edhe rishikimin e çdo akti tjetër ligjor apo nënligjor, që ndikohet prej tyre në nivel horizontal (çdo ligj tjetër) apo shterues (akte nënligjore).

Ky harmonizim do t?i shërbejë  forcimit të politikave shtetërore të zbatimit të buxhetit, të raportimit financiar dhe transparencës së financave publike, si dhe auditimit dhe kontrollit të rreptë të tyre, për të rritur përgjegjshmërinë dhe transparencën e qeverisë ndaj taksapaguesve.

Në këtë kuadër, Ministria e Financave ka përgatitur projektligjin e ri organik të buxhetit, si një ligj që ka nevojë për ndryshim, për shkak se ai ndikohet nga të gjitha ndryshimet dhe përmirësimet që Ministria e Financave i ka bërë së fundmi kuadrit rregullator të menaxhimit financiar, kontrollit dhe auditimit të financave publike“, perfundon njoftimi i Ministrise se Financave.





Lajmet e fundit nga