web counter
LEXO PA REKLAMA!

SHKARKO APP

App Store
Google Play

E fundit!

x

Garancitë statutore, Alket Hyseni dhe Ergys Hoxha/ Drejtorë të Ramës në kryeministri

22 Shkurt 2016, 11:37, Aktualitet CNA

Një grup deputetësh të Partisë Socialiste, por edhe disa personalitete të njohura të saj, i kanë drejtuar disa ditë më parë një letër komisionit të garancive statutore në PS.

Letra ka të renditura disa pika ku përmendet shkelja e statutit të Partisë Socialiste dhe është kërkuar nga ky komision që të mbajë një qëndrim në lidhje me pretendimet e paraqitura.

Komisioni i Garancive punon në kryeministri

Pas letrës të deputetëve socialistë, Citynews filloi një investigim për të parë se kush janë anëtarët e këtij komisioni dhe ku punojnë ata. I pari, i cili është edhe kryetar i këtij komisioni është Alket Hyseni. Ai rezulton të jetë një nga drejtorët kryesorë në kryeministri dhe një nga njerëzit më të afërt të kreyeministrit Rama.

Anëtar tjetër i Komisionit të garancive Statutore rezulton të jetë Ergys Hoxha, drejtor i Anti Korrupsionit. Hoxha është një nga personat e akuzuar shpesh herë nga ish kryeministri dhe opozita si një nga njerëzit e afërt të Ramës që përdoret prej tij për të kryer vendime të kundraligjshme. Berisha ka akuzuar se Ergys Hoxha është personi që pak kohë më parë ka goditur ministrin e Brendshëm, Saimir Tahiri.

Këta dy persona, janë ata të cilët duhet të marrin në shqyrtim letrën e drejtuar nga deputetët dhe disa drejtues dhe personalitete të Partisë Socialiste. Mbledhjen mund ta bëjnë lehtazi në selinë e kryeministrisë. Zyrën e shefit të tyre e kanë pranë dhe të jepnin një vendim sa më të shpejtë.

Të dy janë në konflikt të pastër interesi në rastin  e letrës së Ben Blushit. Ata ose duhet të dorëhiqen nga postet e tyre në kryeministri ose të lëshojnë detyrën e tyre në Komisionin e Garancive Statutore.

Kërkesat e paraqitura për tu diskutuar nga komisioni do shqyrtohen nga dy vartës direkt të Edi Ramës, jo vetëm në parti, por edhe në kryeministri./citynews





Lajmet e fundit nga