web counter
LEXO PA REKLAMA!

SHKARKO APP

App Store
Google Play

E fundit!

x

25 mijë refugjatë në Shqipëri/ Zbardhet arsyeja e vizitës së Mogherinit në Tiranë

23 Shkurt 2016, 07:24, Aktualitet CNA

Shqipëria pritet te  hapë dyert për rreth 20-25 mijë emigrantë të vendeve të Lindjes së Mesme. Pas paktit me amerikanët për të pritur opozitarët iranianë, qeveria duket se po arrin një marrëveshje me Bashkimin Evropian për refugjatët, raporton gazeta ?Sot?

Por çfarë realisht po ndodh? Deri më tani emigrantët kanë kaluar nga Turqia në Greqi, më pas në Maqedoni dhe në vendet e tjera të Bashkimit Evropian. Prej disa kohësh, Maqedonia kishte paralajmëruar se do të bllokonte kufirin për shkak të fluksit të madh të emigrantëve dhe dje e bëri një gjë të tillë. Mijëra emigrantë dhe refugjatë janë bllokuar dje pranë Athinës dhe në kufirin verior të Greqisë, pasi Maqedonia ka ndaluar hyrjen e tyre në territorin e saj. Rreth 5,000 veta ndodhen në kufi dhe 4,000 të tjerë kanë arritur në portin e Pireut. Maqedonia ka deklaruar se nuk do të lejojë asnjë emigrant në territorin e saj, duke bërë që të krijohet një kaos në kufi. Prej muajsh, Shqipëria është përfolur se mund të shërbejë si vendi që do presë refugjatë dhe duket se kjo ditë do të jetë e afërt.

Mësohet se pas bllokadës që po i bën Maqedonia, emigrantët do drejtohen nga Greqia në Shqipëri. Marrëveshja mes qeverisë shqiptare dhe Bashkimit Evropian pritet që të finalizohet gjatë vizitës së shefes së politikës së Jashtme të BE, Federica Mogherini në Tiranë. Në datën 4 mars ajo do të zbresë në Tiranë dhe do të qëndrojë deri në datën 6. Ndonëse deri më tani është deklaruar se qëllimi i vizitës do të jenë 5 kushtet e integrimit, mësohet se fokusi kryesor i bisedës mes saj dhe kryeministrit Rama do të jetë pikërisht pritja e emigrantëve të Lindjes së Mesme, teksa mësohet se bëhet fjalë për një numër rreth 20-25 mijë emigrantë, shumica e të cilëve janë bllokuar në Greqi sepse Maqedonia dhe shtetet e tjera nuk lejojnë kalimin e tyre. Duket se qeveria shqiptare do të japë miratimin për të pritur një numër kaq të madh emigrantësh.

Paralajmërimi se në Shqipëri do të vijnë emigrantë është dhënë dje nga ministrja e Mbrojtjes, Mimi Kodheli. Duke folur në Komisionin  e Sigurisë për këtë çështje, ajo nuk e shmangu një gjë të tillë, madje tha se qeveria ka marrë masa për të pritur një fluks emigrantësh. ?Grupi i punës i përbërë nga ministritë e linjës nën drejtimin e zëvendëskryeministrit ka bërë një inventarizim të mundësive tona nëse fluksi i refugjatëve kalon nga Shqipëria, që në të gjitha rastet do të shërbejë vetëm si vend tranzit?, tha ajo. M





Lajmet e fundit nga