Genc Pollo si ushtar i Koço Kokëdhimës

23 Shkurt 2016, 18:30, Aktualitet CNA

Deputeti Koço Kokëdhima është akuzuar nga Partia Demokratike se ka përfituar fonde nga qeveria në kohën kur ai ka ushtruar funksionin e deputetit. Për këtë arsye, mandati i deputetit i Kokëdhimës është dërguar në Gjykatën Kushtetuese, por për arsye politike, vendimi po shtyhet.

Ndaj akuzave të Partisë Demokratike, për bizneset e Kokëdhimës, ky i fundit është shprehur disa herë se kompanitë e tij janë rritur gjatë kohës që qeveria drejtohej nga Partia Demokratike.

Kompanitë e Koço Kokëdhimës lidhen kryesisht me median dhe teknologjinë dhe në kohën e qeverisë ?Berisha? ministri që mbulonte këtë sektor, ka qenë Genc Pollo. Ky i fundit u akuzua se publikisht se ka abuzuar me tenderin 20 milionë euro për digjitalizimin. Për të qenë sa më transparent, lidhur me këtë aferë, në publikimet e tij, disa vite më parë Agron Arianitasi, Drejtori Teknik i RTSH-së ka renditur fakte dhe akuza që do të mjaftonin për ta çuar Genc Pollon prapa hekurave.

?Sot, për këdo, nuk përbën sekret se kompania Ericsson AB, është kompania e përzgjedhur prej ministrit Genc Pollo?

?Erion Berisha nuk ishte gjë tjetër veçse një nga endësit e rrjetës së korrupsionit?

?Dokumentet e tenderit u hartuan sic deshte ministri dhe stafi i bashkëpunëtorëve të tij më të ngushtë. Megjithëse kompania e tij më e preferuar nuk fitoi?

?Pasi përmbys rezultatin, ministri Pollo arrin të kërkojë, që të bëjë një kontratë me dy kompanitë e radhitura në dy vendet e para, ?për të pasur një rezultat më të mirë? siç shprehet në urdhrin e radhës?

?Kjo ishte një lojë e ministrit Pollo për të gjunjëzuar kompaninë gjermane?

?Kontrolli i Lartë i Shtetit duhet ta kontrollojë këtë tender dhe nuk duhet të kishte asnjë vështirësi të dallonte gjithë paudhësitë e Ministrisë së Inovacionit dhe Teknologjisë dhe drejtuesve të saj?

Kështu do të shprehej Arianitasi në disa shkrime të tij për tenderin e digjitalizimit të Televizionit Publik Shqiptar.

Më e pakta që mund të bëhej do të ishte nisja e hetimeve. Por duket qartazi se “Komisar” Koco Kokëdhima po i mbron shpatullat Genc Pollos, sot ne opozite. Madje, deputeti socialist po shkon edhe më tej duke e përdorur Pollon si një vegël brenda PD-së.

Vetë Pollo është i detyruar të jetë ushtar i Kokëdhimës ose duhet të pranojë nisjen e hetimeve dhe me shumë mundësi të përfundojë në burg për tenderin e digjitalizimit. Për këtë arsye, Genc Pollo duhet ti bindet urdhrave të Komisar Koco Kokëdhimës, i cili tashmë ka siguruar një ushtar te bindur brenda kampit kundërshtar. Dje Pollo e ndihmonte per bizneset private te Kokedhimes, sot Kocoja i mbyll “hallet” Genc Pollos, tashme ekuacioni te panjohurat i ka te gjitha te zbuluara, edhe fshehjen e disa llogarive bankare ne Qipro te cilat PS nuk i publikoi kurre./citynews