E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Luan Rama: Shqipëria është një faktor i rëndësishëm për sigurinë në Rajon

15 Shkurt 2016, 18:07, Politikë CNA

Me ftesë të Grupit Britanik të Unionit Ndërparlamentar, Sekretari i Përgjithshëm i Lëvizjes Socialiste për Integrim, z. Luan Rama merr pjesë në Konferencën ?Sfidat e Sigurisë Europian?, që u mbajt në Londër.

Në këtë konferencë morën pjesë mbi 60 përfaqësues nga vende të ndryshme të Europës dhe nga ShBA, kryesisht deputetë të parlamenteve të ndryshme, por edhe diplomatë, studiues dhe ekspertë të çështjeve të sigurisë.

Dukë folur gjatë konferencës, Sekretari i Përgjithshëm i LSI-së tha se Ballkani është një nyje e rëndësishme e sigurisë europiane dhe se Shqipëria është një faktor i rëndësishëm për sigurinë në Rajon.

Gjithashtu, z. Luan Rama theksoi se qeverisja e mirë dhe lufta kundër korrupsionit janë sfidat për t?u fituar në Shqipëri.

?Ballkani është një nyje e rëndësishme e sigurisë europiane. Shqipëria është një faktor i rëndësishëm për sigurinë në Rajon. Qeverisja e mirë dhe lufta kundër korrupsionit mbeten sfidat për t?u fituar në Shqipëri?, – tha ndër të tjera gjatë fjalës së tij z. Luan Rama.

Gjithashtu, z. Rama deklaroi se siguria europiane dhe më gjerë, siguria globale, gjenden përballë sfidash të mëdha. ?Stabiliteti i Ballkanit, zhvillimi ekonomik dhe integrimi europian i tij mbeten një sfide e madhe dhe me impakt të drejtpërdrejtë në sigurinë europiane, edhe për shkak të interesave ruse në këtë rajon. Ndaj Europa duhet të jetë më e ndjeshme, më e hapur dhe më e vëmendshme ndaj këtij rajoni?, – theksoi z. Rama.

Si një nga anëtarët e Komisionit parlamentar për Sigurinë Kombëtare, z. Rama foli për angazhimin e Parlamentit shqiptar në përballimin e sfidave të luftës kundër korrupsionit, të reformës në drejtësi dhe në rritjen e rolit monitorues dhe kontrollues në interes të qytetareve për të garantuar qeverisje të mirë.

Konferenca do t?i zhvillojë punimet deri më datë 17 shkurt dhe do të fokusohet veçanërisht në rolin që duhet të luajnë Parlamentet për të përballuar sfidat e sigurisë globale. Një vëmendje të veçantë konferenca i kushton qeverisjes së mirë dhe luftës kundër korrupsionit dhe impaktit që ato kanë në çështjet e sigurisë së çdo vendi dhe të sigurisë globale.