web counter
LEXO PA REKLAMA!

SHKARKO APP

App Store
Google Play

Pogradec/ Kontestohen zgjedhjet e PS-së

14 Shkurt 2016, 18:40, Politikë CNA

Partia Socialiste ka zhvilluar sot zgjedhjet për delegatët e saj në Pogradec dhe njësitë e saj administrative. Socialistët votuan për 13 delegatë nga të cilët 6 dalin nga Bashkia e Pogradecit, ndërsa 7 nga njësitë administrative. Mësohet se nga pogradeci janë votuar: Anxhela Andoni e cila është edhe kryetare e gruas në Pogradec, Violeta Kërxhalli, Klea Nasto, Genti Berberi, Erion Thengjilli dhe Nertil Collaku.

Në një ankesë publikuar në Pogradecinews thuhet se procesi i votimit të delegatëve është shoqëruar meemrat reagime dhe kontestime. Një grup anëtarësh socialistë nuk kanë qenë dakord me procesin e zhvilluar. Ata pretendojnë se procesi është i manipuluar si dhe anëtarë të shumtë janë orientuar për të votuar kandidatë të caktuar.

Këta persona do ti drejtohen edhe vetë kreut Edi Rama me anë të një peticioni, të cilën do tia dorëzojnë më datë 19 shkurt, kur Rama do të shkojë në Pogradec për të shpërndarë teserat e partisë. Gjithashtu ata thonë se do të jepen edhe fakte rreth presionit të ushtruar sidomos për votuesit e njësive administrative. Ata thonë se shumë fshatra që shtrihen nën Malin e Thatë nuk u lejuan të votojnë. Grupi I socialistëve do të kërkojë shpalljen e këtyre zgjedhjeve të pavlefshme dhe kryerjen edhe njëherë të procesit të votimit.





Lajmet e fundit nga