web counter
LEXO PA REKLAMA!

SHKARKO APP

App Store
Google Play

Korrupsioni 1.1 miliardë lekë me uniformat e policisë

12 Shkurt 2016, 11:57, Politikë CNA

Partia Demokratike ka akuzuar Ministrin e Brendshëm, Saimir Tahri, se pas uniformave të reja të policisë, fshihet një korrupsion prej 1.1 miliardë lekë. Nëpërmjet një deklarate për shtyp, kreu i Departamentit të Rendit dhe Sigurisë, Enkeleid Alibeaj, ka thënë se uniforma fituese u shpall nga Tahiri përpara se vendimi të botohej në fletoren zyrtare. Sipas tij, përzgjedhja e fituesit nuk pati asnjë transparencë dhe asnjë informacion.

Deklarata e PD

Pas uniformës së re të policisë që prezantoi Tahiri, fshihet një korrupsion prej 1.1 miliardë lekësh.

Asnjë transparencë, asnjë informacion për procesin, për tenderimin.

Kriteret teknike u përcaktuan sipas profilit të fituesit të paracaktuar.

Uniforma fituese u shpall nga Tahiri përpara se vendimi të botohej në fletoren zyrtare.

Asnjë e dhënë kush është dizanjuesi, pse u zgjodh ai, cili komision dhe si u bë vlerësimi.

Mendimi i vetë policisë, i ekspertëve nuk është marrë në konsideratë.

Sipas ligjit, vetë drejtoria e Policisë duhej të kishte nisur këtë procedurë, sipas kërkesave dhe nevojave të saj.

Nuk gjendet i pasqyruar askund mendimi i specialistëve të fushës për sa i përket cilësisë së veshjes, por as për emblemën e simbolet që janë vendosur.

Vetëm Saimir Tahiri e veglat e tij e dinë se kush është personi i kontraktuar.

Një aferë e pastër korruptive, ku 1.1 miliardë lekë doroviten duke i ndarë me klientin e ministrit.

Paratë e shqiptarëve trajtohen si të ishin portofoli privat i Tahirit.

Ky ministër që po bën krenar shefin e tij dhe në lëmin e korrupsionit, nuk e ndjen si detyrim të respektojë ligjin dhe procedurën, as të japë llogari.

Ashtu siç nuk u përgjigj edhe mbrëmë, kur publikisht në sytë e shqiptarëve u pyet në ?top story? për lidhjen e tij me Emiliano Shullazin.

 





Lajmet e fundit nga