web counter
LEXO PA REKLAMA!

SHKARKO APP

App Store
Google Play

Reforma në drejtësi/ Fatmir Xhafaj: Politika dhe krimi kontrollojnë drejtësinë

15 Shkurt 2016, 13:57, Politikë CNA

Partia Socialiste ka zhvilluar sot një mbledhje me grupin parlamentar lidhur me reformën në drejtësi. Kryetari i Komisionit të posacëm, Fatmir Xhafaj, ka theksuar se drejtësia vijon të mbetet peng e politikës dhe e krimit të organizuar. Ai ka publikuar disa sondazhe, për të cilat tha se 25% e gjyqtarëve mendojnë se sistemi është i korruptuar. Ai u shpreh se gjatë këtyre 23 viteve, nuk ka pasur asnjë përpjekje për të analizuar sistemin e drejtësisë.

?Ndër problemet e shumta do të theksoja tre themelorët, mbi ato te cilat është ndërtuar gjithë analiza e zgjidhjes së kësaj reforme:
1-kapja e sistemit nga segmente të politikës dhe krimi i organizuar
2-korrupsionit, i cili sot është mbizotërues në vënien e drejtësisë aq sa sot drejtësia shitet e blihet
3-fryma e korporatizimit është zotëruese në sistem, i cili është kthyer në qark klientelist dhe me mungesë llogaridhënie brenda dhe jashtë ligjit. Përfshirë këtu edhe aspekte të tjera që lidhen me problematiken që ka vetë sistemi. Shumë sondazhe tregojnë pak ose aspak besim të qytetarëve. Raporte të ndryshme e argumentojnë më së miri këtë. 25% e gjyqtarëve janë të mendimit se sistemi është i korruptuar. 80% e gjyqtarëve janë të mendimit se sistemi gjyqësor nuk është i çliruar nga ndikimi politik. Progres raporti i 2014 bëri analizë të kësaj situate. Gjatë këtyre 23 viteve nuk ka patur një përpjekje të gjerë dhe të thellë për ta analizuar sistemin e drejtësisë dhe për t?i adresuar në draftin ligjor dhe në efektshmërinë e zbatimit të tyre?, deklaroi Xhafaj.

 

 





Lajmet e fundit nga