web counter
LEXO PA REKLAMA!

SHKARKO APP

App Store
Google Play

Qeveria nuk ndalet/ Jep hipotekat me koncesion, kundërshton LSI

31 Janar 2016, 07:29, Aktualitet CNA

Edhe pse ka patur një lum akuzash mesa duket qeveria nuk po ndalet lidhur me koncensionet. Kështu, mësohet se këtë herë do të jenë Hipotekat që do të jepen me koncesion, ndërsa ka hasur kundërshtimin e Lëvizjes Socialiste për Integrim.  Gazeta Sot raporton se po diskutohet mundësia nëse do të jepet e gjithë Zyra e Regjistrimit të Pasurive, apo disa sektorë të saj me koncesion. Deri më tani nuk ka asnjë konfirmim zyrtar, por në nivelet e larta drejtuese ka nisur puna që dhe ky shërbim t?u kalojë privatëve, ashtu si çdo gjë tjetër në këtë vend.

Burime pranë Ministrisë së Drejtësisë, thonë se mund të jepet vetëm sektori i aplikimit për certifikatën e pronësisë, edhe pse ky institucion është kategorish kundër një veprimi të tillë. Burime nga kjo ministri janë shprehur se vetë ministri dhe zyrtarët e tjerë nuk mbështesin asnjë lloj koncesioni në këtë dikaster.

Duke qenë se Zyra e Regjistrimit të Pasurive të Paluajtshme është në varësi të Ministrisë së Drejtësisë, që drejtohet nga Ylli Manjani i LSI, nuk dihet se sa të suksesshme do rezultojnë tentativat e qeverisë që ky shërbim t?u jepet privatëve. Flitet se një pjesë e tij mund t?i kalojë privatit dhe pikërisht zyrat e aplikimit, duke qenë se aty gjithmonë ka radhë dhe qytetarët kanë shfaqur kritika. Edhe pse vetë shteti mund të gjejë një zgjidhje duke zgjeruar sportelet apo duke rritur numrin e zërave, në kabinetin ?Rama?, besohet e këtë punë mund ta zgjidhin më shpejt privatët. Mbetet të shihet nëse, ashtu siç ndodhi me shëndetësinë, do të ndodhë dhe me Hipotekën.





Lajmet e fundit nga