E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Deliri pa fre i Edi Ramës

30 Janar 2016, 12:47, Aktualitet CNA

Kryeministri i vendit, Edi Rama, ishte dje i ftuar në emisionin ?6 ditë pa Ermalin? të Ermal Mamaqit. Kryeministri foli për disa tematika gjatë emisionit, nga tatimet, ndëshkimet për abuzuesit me energjinë elektrike, por edhe për jetën e tij personale.

Ndër të tjera, Rama, shpjegoi edhe për një nga foton e famshme të tij, ku shfaqet duke ngrënë makarona në një mencë në Francë. Ai u shpreh se kjo foto kishte një mesazh në frymën e protestës për mungesën e kushteve në në kamp, ndërsa e cilësoi kapuçin si solidaritet ndaj myslimanëve për luftën në Bosnje gjatë atyre viteve.

Pra, kryeministri shpjegoi se kishte dy mesazhe për të dërguar nëpërmjet asaj fotoje. Por, fakti është se në kohën kur është shkrepur fotoja (vitet 93-94), kryeministri i sotëm nuk ka pasur asnjë funksion. Ai ishte thjesht një refugjat si qindra mijëra shqiptarë të tjerë.

Edhe pse në atë kohë nuk kishte asnjë funksion, nuk njihej aspak ose shumë pak në publik, Rama tha se po jepte një mesazh, a thua se ky njihej botërisht si personazh. Ai u përpoq që gjatë përgjigjes së pyetjes për foton me makarona të përvetësonte një meritë që nuk i takon. Kjo për një arsye të thjeshtë. Edi Rama ka qenë thjesht një refugjat, pa peshë opinion publik të vendit por edhe të rajonit. Ne nuk e vëmë në dyshim që kryeministri ka shpirtin e protestës, por një njeri i thjeshtë siç ishte Rama në vitet 1993-1994, nuk mund të jepte asnjë mesazh në shenjë proteste për refugjatët në Francë, e aq më pak të përcjellë një frymë solidarizimi për luftën që po zhvillohej në Bosnje, ku Ramën nuk e njihte askush.

Tendenca e kryeministrit është që të marrë merita edhe për gjëra që nuk ka vend për të marrë merita. Në këtë rast deliri i kryeministrit nuk ka fre. Ai kërkon të nxjerrë diçka si fitim në opinionin publik kur në fakt ai thjesht shfaq delirin e tij të radhës ?sëmundje? e pashërueshme për kryeministrin tonë. /citynews