web counter
LEXO PA REKLAMA!

SHKARKO APP

App Store
Google Play

Olli: Qytetarët në situatë të vështirë, drejtuesit si gjithmonë me pushime!

16 Janar 2016, 20:15, Aktualitet CNA

Kreu i këshilltarëve të djathtë në Bashkinë e Tiranës, Leonard Olli ka akuzuar drejtuesit e shtetit se kanë braktisur qytetarët. Në një deklaratë për mediat, Olli është shprehur se kjo paaftësi dhe neglizhencë vrastare, shfaqet kaq arrogante dhe cinike në kryeqytet, çdokush kupton lehtësisht se çfare ndodh ne pjesën tjetër te territorit te vendit.

Deklarata e plotë nga Kreu i këshilltarëve të djathtë në Bashkinë e Tiranës, Leonard Olli

Institucionet e shtetit dhe drejtuesit e tyre, si gjithmonë me pushime, duke i braktisur qytetarët! Në njësinë nr. 6, në Kombinat, një pemë ka rënë prej disa orësh, duke zënë nën të një makinë, por strukturat e Bashkisë Tiranë dhe kryetari Veliaj shijojnë weekened -in, pasi pushimeve të gjata te fillmvitit në Sri Lanka! Një tjetër pemë, në afërsi te TEG ka bllokuar aksin nacional Tiranë – Elbasan, por askush nga institucionet përgjegjëse nuk ka shkuar në vendngjarje. Gjithçka në kolaps, me qindra automjete të bllokuara. Edhe pse rreshjet janë në parametra normale, Shteti është dorëzuar dhe qytetarët janë lënë në dorë të motit dhe mëshirë te fatit! E kur kjo paaftësi dhe neglizhencë vrastare, shfaqet kaq arrogante dhe cinike në kryeqytet, çdokush kupton lehtësisht se çfare ndodh ne pjesën tjetër te territorit te vendit. Qytetarët vijojnë te mbeten me syte nga qielli dhe ti luten zotit ti ndihmojë, pasi ata qe u besuan me votë për te drejtuar qeverinë dhe bashkinë jane të fokusuar vetëm te mirëqenia personale.

 





Lajmet e fundit nga