E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Reshjet e dëborës/ Ministria e Brendshme publikon gjendjen e vendit

4 Janar 2016, 14:43, Aktualitet CNA

Ministria e Punëve të Brendshme informon për situatën dhe masat që janë marrë pas reshjeve të dëborës në qarqet e vendit.

Ministria e Punve te Brendshme nëpërmjet në deklarate për mediat ditën e sotme, bën të ditur se ?Reshjet e dëborës në qarkun e Kukësit, Korçës, Shkodrës e Dibrës kanë shkaktuar probleme në qarkullimin rrugor. Strukturat e Policisë së Shtetit, të Emergjencave Civile dhe pushtetit lokal këshillojnë drejtuesit e mjeteve të bëjnë kujdes dhe të vendosin zinxhirët në disa akse problematike. Pas monitorimit të situatës dhe masave të marra, në qarqet e lartpërmendura nuk raportohet ndërprerje e furnizimit me ujë të pijshëm dhe energji elektrike apo probleme të emergjencave mjekësore?.

Po ashtu, në njoftimin e ministrisë së Brendshme, duke iu referuar raportimeve të Emergjencave Civile, thuhet se ?Në qarkun Kukës, mjetet borëpastruese po punojnë për të mbajtur hapur akset Kalimash ? Morinë; Kukës ? Ura e Zapodit; Krumë ? Qafë Prush ? Kam -B.Curri ? Valbonë, ku vërehet prezencë e ngricave. Qarku është përfshirë nga reshje të dendura dëbore ku lartësia në qytete shkon: Kukësi 12 cm, Has 25 cm, Tropojë 30 cm. Në lartësitë mbi 700 m lartësia e dëborës varion nga 30 deri në 50 cm?.

Në qarkun Korçë, thuhet në njoftim, ?përdorimi i zinxhirëve është i nevojshëm në një pjesë të aksit rrugor Korçë ? Dardhë. Në qarkun Shkodër, rrugët në Pukë, Shkodër dhe Malësi e Madhe janë të kalueshme, përveç aksit Bardhoc ? Iballë, dhe Bogë ? Theth, i bllokuar në vendin e quajtur Qafë Thore ku ka rreth 70 cm dëborë, si dhe në aksin Bardhet ? Iballë. Në aksin Qafë Mali ? Fierzë dhe Pukë ? Fushë Arrëz, kalimi i mjeteve bëhet me zinxhirë. Në qarkun Dibër, temperaturat e ulëta sot janë pasuar nga një mot me vranësira dhe reshje lokale shiu. Kujdes duhet treguar në akset nacionale Kala e Dodës ? Peshkopi, si edhe në aksin rural rrugor Selishtë ? Muhurr?.

?Firmat që mirëmbajnë rrugët kanë nisur hedhjen e skorjes dhe pastrimin e akseve të tjera kombëtare Peshkopi ? Kala e Dodës; Peshkopi ? Bllatë; Maqellarë ? Ura e Topojanit ? Fushë Bulqizë. Në qarqet e tjera nuk ka problematika, nga kushtet e motit?, thuhet në njoftimin e ministrisë së Brendshme.