E fundit!

13:28 Ekonomi

Vendimet e bordit/ Ulet çmimi i benzinës, nafta vijon rritjen

Bordi i Transparencës në datë 4 Qershor 2026, në mbledhjen...

Ja studimi më i gjatë në histori që tregon sekretet e lumturisë

3 Janar 2016, 19:44, Aktualitet CNA

Lumturia është një nga gjërat më të rëndësishme në jetë, por kjo është gjithashtu edhe një nga më të vështirat për t?u studiuar. Psikiatri Robert Waldinger është drejtuesi i Studimeve të Harvard për Zhvillimin e të Rriturve, një nga studimet më të gjata dhe më të plota të jetës së të rriturve të zhvilluar ndonjëherë në Harvard. Waldinger përshkroi disa nga sekretet për lumturinë të gjetura nga studimi në një bisedë të kohëve të fundit në TED.

Studimi ka nisur në vitin 1938, ku hulumtuesit anketuan njerëzit për jetën e tyre (duke përfshirë cilësinë e martesave të tyre, kënaqësinë në punë, dhe aktivitetet sociale) çdo dy vjet dhe monitoruan shëndetin e tyre fizik (duke përfshirë skanerat me rreze X, analizat e gjakut, analizat e urinës, dhe kardiograma) çdo pesë vjet .

Studimi rezultoi me një gjetje të rëndësishme: Marrëdhëniet e mira na mbajnë të lumtur dhe të shëndetshëm. Në bisedën e tij nëTED Talk, Waldinger theksoi tri përfundime të rëndësishme për lumturinë:

1.Marrëdhëniet e ngushta

Njerëzit në të dy grupet e studimit të Harvardit që raportuan se ishin më të afërt me familjen e tyre, miqtë, ose komunitetin priren të jenë më të lumtur dhe më të shëndetshëm se sa njerëzit e tjerë që janë më pak social. Ata gjithashtu ishin të prirur për të jetuar më gjatë. Për krahasim, njerëzit të cilët thanë se ishin të vetmuar raportuan se ndihen më pak të lumtur. Ata gjithashtu kishin shëndet më të keq fizik dhe mendor.

2.Cilësia (jo sasia) e marrëdhënieve

Nuk ka rëndësi vetëm fakti i të pasurit marrëdhënie me dikë. Çiftet e martuara të cilët thanë se debatonin vazhdimisht dhe kishin dashuri të pakët për njëri-tjetrin ishin në të vërtetë më pak të lumtur se sa njerëzit të cilët nuk ishin të martuar, gjeti studimi i Harvardit.

3.Martesat e qëndrushme

Duke qenë të lidhur në shoqëri, nuk është vetëm e mirë për shëndetin tonë fizik. Ajo gjithashtu ndihmon për problemet mendore. Njerëzit të cilët ishin të martuar pa u divorcuar, ndarë, ose kishin “probleme serioze” deri në moshën 50-vjeçare performonin më mirë në testet e kujtesës më vonë në jetë se sa ata që nuk ishin.

Të gjitha këto sugjerojnë se lidhjet e forta janë kritike për shëndetin tone. Shoqëria luan një rol të rëndësishëm në mirëqënien dhe punën tone, tha Waldinger. “Por mbi të gjitha, gjatë këtyre 75 viteve, studimi ynë ka treguar se njerëzit që u paraqitën më të mirë ishin njerëzit që kishin marrëdhënie të mirë me familjen, me shokët, me komunitetin.”

?Jeta e mirë është e ndërtuar me marrëdhënie të mira? e përfundoi fjalimin e tij Waldinger.