Denoncimi i mësueses/ Ja mashtrimet e Lindita Nikollës dhe skandali me provimet

4 Janar 2016, 16:00, Aktualitet CNA

Skandalet e Ministres se Arsimit në lidhje me emërimet në administratë dhe konkurset e zhvilluara vazhdojnë të denoncohen nga mësuesit. Në një denoncimin për citynews, një mësuesese e vjetër e cila dëshiron të mbetet anonime, thotë se ministrja e Arsimit, Lindita Nikolla, ka mashtruar me konkursin e arsimtarëve pasi ka emëruar rreth 200 mësuese sipas dëshirës së saj, duke vendosur militantët e partisë përpara mësuesve me eksperiencë, duke i paraqitur si vende të reja pune. Më tej, mësuesja shpjegon se pasi është testuar nga Ministria e Arsimit, kjo e fundit nuk ka bërë publike pikët e dosjes, duke i lënë mundësi manipulimeve dhe emërimit të militantëve partiak.

? Jam nje mesuese prej 10 vjetesh ne Tirane (dispozicion) dhe nuk kam mundur te marr emerim, pasi kam refuzuar t’u pergjigjem “deshirave” te kohes. Po cfare ndodh tani, Ministrja Nikolla nxorri te famshmin Portal dhe fshehurazi emeroi rreth 200 mesuese duke filluar nga dt. 15 dhjetor deri me 22. Te jem shume e sakte, 3 i mori nga portali neper shkolla dhe 13 nga thesi i mikut te Partise meme.?

Më tej, mësuesja thotë se këtë denoncim ja ka dërguar edhe kryeministrit Edi Rama dhe disa deputetëve të cilët e ngritën si problem. Ajo shprehet se rezultati i kësaj ishte pezullimi i ceremonisë së punësimeve, e cila do të organizohej tek ?Liceu artistik?, ku kryeministri Rama dhe ministrja Lindita Nikolla, do ti paraqisnin emërimet partiake, pa konkurs, si vende të reja pune.

?Sapo e mora vesh, i shkrova ministres dhe kryeministrit. I shkrova Ben Blushit dhe Luciano Bocit, te dy e ngriten problemin ne Parlament dhe si rezultat u pezullua “Dasma e emerimeve” qe do te organizohej tek Liceu Artistik ne oren 4.30 me pjesëmarrjen e kryeministrit dhe ministres (gjoja kishin hapur vende pune).?

Denoncimi i saj vijon edhe më tej. Ajo shprehet për cityneës se edhe pse ka 10 vjet që punon si mësuese, qeveria dhe ministria e arsimit emëroi persona pa eksperincë, ndërsa të mësuesit e vjetër, si rasti në fjalë, i futën në provim. Megjithatë, ajo thotë se në provim ka dalë mirë por fakti që ministria e Arsimit nuk po nxjerr rezultatet duke mos bërë publike as pikët e dosjes, lë vend për abuzime.

?Ne na cuan ne provim (dmth ne te njerkes) dhe pse ishim shume te depresuara, mendojme qe kemi dale shume mire. Problemi eshte se nuk po nxjerrin rezultatet, sepse ka mundesi abuzimi sa te duash. Ja cfare ndodhi, kur ministrja nxorri nje urdher se 30 pike i ka dosja, 70 pike provimi… Ne i kerkuam ministres te beheshin transparente piket e dosjes per secilen mesuese dhe pastaj vetem me pike provimi nuk benin hile dot, sepse ka 70 pike te cilat shumezohen me 0.1, dmth me e mira fiton deri ne 7 pike ne test nese eshte e shkëlqyer. Rreziku na kanoset tek fshehtesia e pikeve te dosjes.?/ Citynews