web counter
LEXO PA REKLAMA!

SHKARKO APP

App Store
Google Play

E fundit!

x

Bizneset e kreut të PD-së në Korçë/ Ja subjekti i dytë i Andrea Manos

26 Nëntor 2015, 13:43, Aktualitet CNA

Pas kompanisë së parë, ku citynews publikoi të gjitha të dhënat për ?ALBANIA CONSTRUCTION?, kompani e në emër të kreut të PD-së së Korçës, Andrea Manos, e ndërtuar më 4 qershor të vitit 2013, në prag të fushatës elektorale, sot zbulohet edhe kompania tjetër e tij.  Kompania parë, ALBANIA CONSTRUCTION  u krijua në pronësi të një Besjana Mullallit, një vajze 23-vjecare , e cila më pas ia kaloi Andrea Manos.

Në investigimin e saj, Citynews ka bërë të mundur të zbulojë edhe kompaninë e dytë të Andrea Manos, e cila në këtë rast është një studio konsulence arkitekturore. Kompania e dytë e Manos, studioja për konsulncë arkitekturore, është ndërtuar në dhjetor të vitit 2013. Në fakt, vetë Andrea Mano nuk është arkitekt por kjo nuk e pengon atë për të krijuar një studio konsulence arkitekturore, studio e cila mund të shërbente mjaft mirë për përfitime nëpërmjet bashkisë së Tiranës, gjatë kohës që ajo drejtohej nga kreu i PD-së, Lulzim Basha.

Studion e konsulencës arkitekturore, Andrea Mano e ka të regjistruar në të njëjtën adresë që Besiana Mullali kishte regjistruar kompaninë ?Albania Construction?, që më pas ia shiti Andrea Manos dhe gjithashtu në të njejtën adresë që Besiana Mullalli ka regjistruar studion e saj të konsulencës ligjore. Pra studio e konsulencës arkitekturore e Andrea Manos është në adresën: Tiranë, rruga Tish Dajija, Kompleksi Kika, kati i dytë. Kjo është adresa që Besiana Mullali kishte regjistruar kompaninë ?ALBANIA CONCSTRUCTION? dhe adresa në të cilën ka regjistruar kompaninë ?ALBANIA LAË STUDIO?

Besiana Mullalli, e themeloi kompaninë ?AC? kur ajo ishte vetëm 23 vjec, kompani të cilën ja kaloi të plotë kreut të PD-së Korçë, Andrea Manos, një vit më pas. Kjo për të shmangur dhe për të larguar përgjegjësinë e deklarimit të pasurisë.

Kreu i PD-së në Korçë, sot zotëron një kompani(studio konsulence arkitekturore)  që ka të njejtën adresë me studion ligjore të Besiana Mullalit, ndërsa kompaninë ?AC? e ka transferuar në Korçë, në adresën e shtëpisë së tij.

Andrea Mano është njeriu që e cilëson veten të ndershëm por që në kohën që drejtonte arsimin në Korçë është akuzuar disa herë për emërime të mësuesve në këmbim të 2-3 mijë eurove. Akuza këto të bëra publike edhe në selinë e PD-së kur ajo ishte në pushtet.

Andrea Mano rezulton tashmë me dy kompani por ka mjaft dyshime për investime të tjera të fshehura. Citynews po vazhdon investigimet për të zbardhur të gjitha pasuritë e Andrea Manos. Në fund dosja e plote do t?i drejtohet prokurorisë për të kërkuar hetim për burimet legale ose jo të këtyre kompanive dhe investimeve të tjera

 

 





Lajmet e fundit nga