web counter
LEXO PA REKLAMA!

SHKARKO APP

App Store
Google Play

103 vjetori i Pavarësisë/ John Kerry mesazh për popullin shqiptar

26 Nëntor 2015, 10:09, Aktualitet CNA

Me rastin e Festës Kombëtare të Shqipërisë, Sekretari i Shtetit Amerikan, John Kerry ka dërguar një mesazh urimi për popullin shqiptar.

Mesazhi i plotë

?Në emër të Presidentit Obama dhe të popullit Amerikan, i uroj popullit Shqiptar 28 nëntorin, 103-vjetorin e Ditës së Pavarësisë.

Që kur Presidenti Wilson mbështeti pavarësinë e Shqipërisë në vitin 1919 në Konferencën e Paqes në Paris, dy vendet tona kanë bashkëpunuar me sukses për të krijuar një miqësi të qëndrueshme të bazuar në vlerat e përbashkëta dhe në respektin reciprok. Si një anëtar i NATO-s dhe një frymëzues për vendet e Ballkanit që aspirojnë anëtarësimin në këtë organizatë, Shqipëria luan një rol jetik në nxitjen e paqes dhe stabilitetit në rajon dhe në të gjithë botën. Shtetet e Bashkuara vlerësojnë në mënyrë të veçantë kontributin e Shqipërisë në sigurinë globale, që nga Afganistani, Iraku dhe Ukrahina deri tek lufta ndaj ekstremizmit të dhunshëm dhe Koalicionin Global në Luftën ndaj ISIS-it.

Shtetet e Bashkuara janë të vendosura për të mbështetur Shqipërinë ndërsa ndërmerr reformat e nevojshme për të realizuar aspiratën e saj Euro-Atlantike. Une e vleresoj përpjekjen tuaj për të qënë pjesë e Bashkimit Europian dhe uroj progresin e vazhdueshëm në rrugën drejt integrimit të plotë Euro-Atlantik.

Shtetet e Bashkuara ju urojnë ta kaloni sa më gëzueshëm në festimet e rastit. Ne dëshirojmë që të vazhdojmë edhe në të ardhmen partneritetin tonë të ngushtë për zhvillim, përparim dhe paqe.?, shkruan Kerry në mesazhin e tij.





Lajmet e fundit nga