web counter
LEXO PA REKLAMA!

SHKARKO APP

App Store
Google Play

Letra e Presidentit Obama për festën e Pavarësisë

26 Nëntor 2015, 08:56, Aktualitet CNA

Presidenti amerikan, Barack Obama ka uruar presidentin shqiptar për ditën e Pavarësinë të vendit. Në këtë mesazh vlerësohet roli i Shqipërisë për paqen në Ballkan. Gjithashtu, Obama e ka cilësuar këtë rast si kohën e duhur për të reflektuar mbi partneritetin e fortë midis dy vendeve.

Letra e plotë e presidentit Obama

?I dashur Zoti President,

Ju shpreh urimet më të mira për ju dhe popullin shqiptar edhe në emër të popullit amerikan me rastin e 28 Nëntorit, Ditës suaj të Pavarësisë.

Ky shënon edhe një rast për të reflektuar mbi partneritetin e fortë dhe të qëndrueshëm që gëzojnë Shtetet e Bashkuara të Amerikës dhe Shqipëria, ashtu siç u nënvizua edhe nga nënshkrimi në prill i Partneritetit Strategjik Sh. B. A. ? Shqipëri. Shtetet e Bashkuara të Amerikës mbeten të përkushtuara për të ndihmuar Shqipërinë që të përparojë në rrugëtimin e saj drejt integrimin të plotë Euro-Atlantik.

U jam mirënjohës kontributeve të Shqipërisë në drejtim të rritjes së paqes dhe qëndrueshmërisë në Ballkan si dhe anembanë botës. Ato përfshijnë edhe ndihmesën e vlefshme të Shqipërisë si pjesëtare e Koalicionit Ndërkombëtar që lufton ISIS-in dhe kundër ekstremizmit të dhunshëm në rajonin e Ballkanit. Unë pres që në këtë drejtim dhe në shumë fusha të tjera të rëndësishme, ta thellojmë bashkëpunimin tonë gjatë viteve në vazhdim.

Edhe njëherë, ju shpreh urimet e mia ndërsa ju kremtoni këtë ditë të gëzuar!

Sinqerisht,

Barack Obama?

 





Lajmet e fundit nga